Skip to main content
Esatea Libre | Abokatuen atxiloketez eta Kataluniaz

2015-01-21

Atxilotutako abokatuen testigantzak bildu ditugu saioaren hasieran. Horren ostean, solasaldian, Kattalin MIner, Eider Olazar eta Oihana Etxebarrieta kazetariekin atxiloketa horiek aztertu ditugu eta Kataluniara begira jarri gara.

Abokatuek helegiteak aurkeztu dituzte epaileak jarritako baldintzen aurka

2015-01-19

Astelehenean atxilotutako hamabi abokatuek prentsa agerraldia egiin dute Bilbon. Atxiloketa eta miaketak irregulartasunez beteta egon direla adierazi dute. Era berean, epaileak jarritako baldintzekin lan juridikoa egitea ezinezko zaiela salatu dute. Horrela,  epaileak jarritako baldintzen aurka helegiteak aurkeztu dituzte, eta abokatuen elkarteei babesa eskatu diete.

Giza Eskubideak. Konponbidea. Bakea.

2015-01-17

Ainhoa Baglietto, Aiert Larrarte, Amaia Izko eta Olatz Talavera abokatuekin izan gara aste honetako atxiloketei buruz hizketan. Horrez gain, gertatutakoa aztertu dugu Maider Alustiza Etxerat-eko kidearekin, Martxelo Otamendi Berriako zuzendariarekin, Garbiñe Biurrun epailearekin eta Pernando Barrena Sortuko bozeramailearekin. Hori dena, Donostiako manifestazio jendetsuaren irudiekin tartekatu dugu.

“Guk”: Argentinako euskaldunen ametsak

2015-01-16

Nuria Vilalta da lanaren zuzendaria. 2009an Argentinara iritsi zenean, bertan ezagutu zituen euskaldun eta haien ondorengoekin dokumental bat egitea bururatu zitzaion. “Guk” lanak gugandik 10.000 kilometrotara bizi diren euskaldunen ametsak eta kezkak kontatzen ditu. Baina helburu jakin bat ere badu dokumentalak: kanpoan edo barruan bizi diren euskaldunak eta Euskal Herria maite dutenak elkartzea hain zuzen ere.
 
Dokumentala:
http://vimeo.com/51416935

Bea Moral eta Maggie Bullen: "Oraindik ere danborrada parekidea lortzeko bidea luzea da"

2015-01-16

Donostiak duen festarik partehartzaileena da Danborrada. 25.000 herritar inguruk jo dute danborra aurtengoan. Danborraden %90 mixtoak badira ere, gizon eta emakumeen berdintasuna ez dago bermatuta. "Emeki-emeki berdintasunezko danborradarantz" izeneko liburuan ikerketa hori bildu dute hain zuzen Beatriz Moral eta Maggie Bullenek beste kide batzuekin batera. Gurean Gaur Elkarrizketa saioan izan gara haiekin eta honetaz guztiaz ez ezik, Irun eta Hondarribiako Alardeekin Danborradak izan dezaken loturaz ere hausnartu dugu.

 

 

Asier Amondo: "Ahaldundu behar ditugu euskal kultura eta sortzaileak"

2015-01-16

Gurean Gaur elkarrizketa saioan Asier Amondo Korrikako arduradun berria izan dugu. Korrikaren 19. ekitaldiaz eta berriki aurkeztu duten Korrika Kulturalaz hitz egin dugu berarekin.

 
bannerra

bannerra