Ondo pasatzea, aurreiritziez hausnartzen den bitartean. Horixe da Tanttaka teatro konpainiak ekoitzi duen azken antzezlanaren asmoa. Ameriketako Bidaia obraz aritu gara laneko protagonista diren Miren Arrieta eta Nerea Mazo antzezleekin. Hori eta beste asko aste honetako saioan.
Hemen ikus ditzakezu Artekale saio guztiak nahieran!
Martxoan ireki ditu ateak Bilboko Bira kulturguneak. Hiru bider itxi behar izan dute espazioa pandemiaren bilakaeragatik baina udaberria proposamenez beteta dakar Erronda kaleko guneak.
Loraldia jaialdiak Bilboko aretoak euskal kulturaz beteko ditu datozen asteetan. Asteartean eman zioten hasiera Itsas museoan eta hilaren 28ra bitartean luzatuko da kultur diziplina anitz eskainiko dituen egitarau zabala. Hain zuzen, zazpi zutaberen gainean altxatuko da jaialdiaren 7. edizioa. Musika, literatura, antzerkia, dantza, bertsolaritza, irudigintza eta zinema. Horekin batera, kabaretak eta rol jokoek ere tarte bat izango dute zenbait emanalditan.
Aurten ospatu behar zen eta ezin izango den Korrikaren zuloa betetzeko “Bultza Euskaltegiak! Bultza Euskara!” ekimena jarri du martxan AEK-k. Hain zuzen, Korrika ardazten dituen hiru zutabeetan eragiteko asmoa du erakundeak aurtengo proposamenarekin. Aitziber Belantzategik eman dizkigu xehetasunak Artekale saioan.
Artekale kultur saio guztiak ikusi nahieran!
Atzerrian Lurra Garratz antzezlana ezagutzera gonbidatuko zaituztegu aste honetan Artekalen. Horretarako, Ander Lipus Artedramako kide eta lanaren antzezleetako batekin egin dugu hitzordua Bilboko Arriaga Antzokian. Errealitatetik asko duen fikzio bat dela azaldu digu Lipus-ek, izan ere, Laura Penagos Euskal Herrian bizi den aktore kolonbiarraren istorioan oinarrituta sortu dute kontakizuna.
Nahieran ikus ditzakezu Artekale saio guztiak.
Zinegoak Bilboko GayLesbiTrans zinema jaialdia martxoaren 1etik 14ra ospatuko da, pandemiak ezarritako oztopoei aurre eginez. Julen Nafarrate eta Alaitz Arenzana jaialdiko kideak izan ditugu aste honetako saioan, 18. edizioaren xehetasunak ezagutzeko.
Artekale saio guztiak ikusi nahi? Ikusi nahieran!
DDT Banaketak literatura eta musika banatzaile alternatiboa ezagutzera gonbidatuko zaituztegu aste honetako saioan. Iñigo eta Andoni proiektuko kideekin egin dugu hitzordua eta, besteak beste, kolektiboaren historia, ildoa eta lan egiteko eran sakondu dute.
Artekale saio guztiak ikusi nahi? Klikatu hemen!
