Liburugintzaren sektoreaz aritu gara Joxe Mari Sors Euskal Editoreen Elkarteko presidentearekin. 2008ko krisitik oraindik atera gabe zegoen industriak bigarren kolpe gogorra jaso du konfinamenduagatik eta elkarlana izango da berreskurapenerako giltza, Sors-en ustez.

Aste honetan, ARTEKALEn, COVID19aren krisiaz liburugintzan Joxe Mari Sors Euskal Editoreen Elkarteko buruarekin. Gainera, “Bolante baten historia” dokumentala, Nazioarteko Museoen eguna eta Susana Bera fotokazetari iruindarra izango ditugu hizpide.

Atx Teatroa konpainiako kideak konfinamenduan, baina baita horren aurretik ere, kulturak bizi duen egoeraz hausnartu du. Bere ustez, agintariek ez dakite zein den kulturaren garrantzia eta horrek krisi amaigabean kateatzen du sektorea.

Aste honetan, Artekalen, antzerkiari helduko diogu gure elkarrizketan. Horretarako Iñaki Ziarrusta Atx teatroa konpainiako kidea gonbidatu dugu eta itxialdiak kulturan ekarri duen krisiaz solastu gara berarekin. Honekin batera, Bernard Clement argazkilari iruindarraren online erakusketa erakutsiko dizuegu eta bukatzeko, Errekaleor ezagutzera gonbidatuko zaituztegu. Bertan, auzolanaren eta artearen bitartez, auzo oso bat berpiztu dute, Gasteizen.

Konfinamenduak jendearen eguneroko erritmoa geldiarazi du; ordu asko igaro behar izan ditugu etxean, eta herritarrek aisialdirako beste aukera batzuk aurkitu behar izan dituzte. Zentzu horretan, telesail eta filmen streaming bidezko plataformek garrantzi handia izan dute, daukaten eskaintza zabalagatik. Gaizka Izagirre Gaztezuloko zuzendariak ondo ezagutzen du eskaintza hori eta gomendioak ematearekin batera, ikus-entzunezkoen sektorearen inguruko bere ikuspegia eman digu koronabirusak kolpatu gaituen honetan.

Alde batetik, Gaizka Izagirre Gaztezuloko zuzendaria gonbidatu dugu online dagoen ikus-entzunezko eskaintza zabala aztertzeko; bestetik, Kimuak 2019ko katologoan hautatutako zazpi euskal laburmetraien berri emango dizuegu; kimuak.com atarian ikusgai daude dagoeneko.

Udaberriaren hasierak etxean harrapatu gaitu, baina kalean loreak hazi diren bezala, gure kulturgileek etengabe eskaini dute euren sorkuntza etxetik. Halaxe, etxetik, Artekalen bilduko ditugu gure kulturaren azken berriak. Aste honetan Jose Luis Zumeta margolaria, Barricadaren lehen kontzertuaren 38. urteurrena eta Maiatzaren Lehena artearen ikuspegitik.

Ume eta familiek aisialdian euskaraz aritzeko helburua duen Ikusi eta Ikasi programak, ikuskizunak, tailerrak eta abar antolatu ditu apirilaren 27tik maiatzaren 16ra bitartean. www.ikusietaikasi.eus atarian egongo dira ikusgai.

Gizartea astindu duen Koronabirusak kultur emankizunetan ere izan du bere eragina. Emanaldi ugari ari dira momenturo bertan behera geratzen. Hala ere, Loraldia abiatu da Bilboko Arriaga Antzokian, ez ohiko egoeran eta neurri berrien esperoan bada ere. Horrekin batera, "Virgenes o putas" liburuaren idazle den Amaia Nausiarekin solastu gara gaurko saiorako.