Igandean milaka lagun mobilizatu ziren osasungintza publikoaren alde Bilbon, Donostian eta Gasteizen; Osakidetzaren “kolapso” egoera salatzeko. Osakidetzaren aldetik baliabideak jartzeko borondate eza eta osasungintzaren pribatizazioa salatu dituzte. ELA, Satse, LAB, CCOO eta UGT sindikatuek deitu zuten eta Eusko Jaurlaritzari neurriak hartzeko eskatu diote. Jesus Oñate, LAB sindikatuko Osakidetzako ordezkaria horrela mintzatu da gaurko saioan.
Hezkuntza eragile nagusiek hizkuntza eredu argi bat nahi dute: ikasle guztiei euskara gaitasun "egokia" bermatuko diena, orokorra, eta inklusiboa. Garrantzia du eskaerak, eta Eusko Legebiltzarrean Hezkuntza Lege berria osatzeko hitzarmena adosten. Koldo Tellitu Ikastolen Elkarteko presidenteak azken gakoak errepasatu ditu.
Ados Pilota emakumezkoen lehen pilota talde profesionala da eta emakumezkoen pilota egituratzea eta oinarriak ezartzea du helburu, uste baitute oraindik bide luzea dagoela egiteko. Klubak bi adar ditu: prestakuntza eta profesionalak.
Hainbat erakunde Gobernuari eskatu diote abeltzaintzako ekoizpen-ereduaren inguruko eztabaida sozialaren erabilera alderdikoia “utz” dezala, eta berehala erabaki dezala abeltzaintza industrialeko proiektu guztiak atzeratzea eta behin betiko deuseztatu arteko bideari ekin diezaiola.
EHNEko Unzalu Salterainek azken berrien gakoak errepasatu ditu.
LABA sarea jada errealitate bat da Iruñean. Orain dela hamar egun, urtarrilaren 7an, ireki zuten egoitza, euskal kultura sustatzeko espazioa izango dena. Topagune, gozagune, sorgune eta askoz gehiago da LABA.
Bizkaiko metalgintzako sindikatuek KPIaren gaineko soldata-igoerak jarri dituzte negoziazio-mahaiaren gainean. Patronalak oraingoz ez du erantzun sindikatuen proposamenei. Hurrengo bilera otsailaren 3an izango da, eta negoziazio luzea aurreikusten da. LABeko Iratxe Azkuek negoziazioaren gakoak errepasatu ditu.
Urtarrilaren 14an, hamar urte beteko dira Jose Luis Alvarez Enparantza Txillardegi hil zela. Idazlea, hizkuntzalaria, pentsalaria eta politikaria, hainbat ekitaldi antolatu dituzte Donostian San Telmo museoak, Telesforo Monzon eLabek, Jakin fundazioak, Susa argitaletxeak, Argia-k eta Txillardegi liburutegiak.
Karmelo Landak Txillardegiren bizitza errepasatu du.
Ikoitz Arrese EH Bilduko Legebiltzarkideak eta Hezkuntza idazkariak gaurkotasun politikoaren errepasoa egin du Hamaika telebistan. Arresek koronabirusari, hezkuntzari edo ekonomiari buruzko azken berriak jorratu ditu.
AMAK taldea arduratu da gaur Astigarragako Gurutzeta sagardotegian txotx denboraldiari hasiera emateaz. Alaitz Telletxe, AMAK taldeko kidearen esanetan: "Oso hunkigarria izan da, opari beteriko eguna bizi izan dugu".
