Joseba Barandiaran Mondragon Unibertsitateko Ekonomia irakasleak pandmeiak ekonomian izan dituen eraginez mintzatu da. Alde batetik, azpimarratu du garraioa eta behar-beharrezko produktuak asko garestitu direla azken urtean. Gainera, nabarmendu du sistema kapitalistak baliabide naturalak mugagabeak balira bezala jokatu duela, eta aldaketa sakonak behar direla egoerari buelta emateko.

Azkenik, Barandiaranek uste du gazteen hezkuntza sustatu behar dela, lanean trantsizio bat egon dadin, hau da, erretiroa hartzen duen jendeak erreleboa izateko. Halaber, nabarmendu du sistema kapitalistak baliabide naturalak mugagabeak balira bezala jokatu duela, eta aldaketa sakonak behar direla egoerari buelta emateko.

Aljeriako hiru gizon hil dira Ziburun tren batek harrapatuta. Iurre Bidegain kazetariak ekarri dizkigu gertatutakoaren xehetasunak eta testuingurua "Gakoak" saiora.

Iazko martxoaren itxi eta joan den astean ireki zuten berriz urte eta erdi itxita egon ondoren Kafe Antzokia. Irekiera ekitaldia ere egin dute 'Dantza dezagun berriro' lelopean. Mikel Urbeltz Bilboko Kafe Antzokiaren koordinatzaileetako bat da. Urbeltzek ziurtatu du zaila izan dela pandemiaren hilabeteetatik bizirik irautea, antzerkiak kostu finko handiak dituelako; "bizirik irauteko eta etorkizun bat izateko, ixtea behar genuen" azaldu du.

Hala eta guztiz ere, espero du jendeak zuzeneko musikaz gozatzeko gogo bera izatea eta Antzokira joaten jarraitzea. Izan ere, irekieraren lehen egunerako sarrerak ordubete baino gutxiagoan agortu zirela dio.

Sidenorrek Basauriko lantegian jarduera hogei egunez eteteko asmoa iragarri du. Urtea amaitu aurreko azken hogei lanegunak izango dira. Argindarraren prezioaren igoerarengatik dela dio enpresak, baina langileek kezka dute erabaki hau hitzarmen kolektiboaren negoziatzeko garaia datorrelako.

Beñat Zaldua kazetariarekin hitz egin dugu gaiari buruz.

COVID-19aren aurkako neurriak gazteen aisialdian izan duten eraginari buruz hitz egin dugu "Gakoak" saioan Karlos Renedorekin. Azken asteetan kale edanaren bueltan sortutako harrabotsa abiapuntu gisa hartuta, gazteen sozializatzeko aukerei buruz eta neurri askoren arteko kontraesanei buruz jardun dugu besteak beste.

Hona hemen elkarrizketa osorik entzungai.

Olatz Talabera Artea proiektuko kidea da. Artea-n, bizitza duinago bat izaten laguntzen diete migratzaileei, eta prestakuntza, hezkuntza eta baliabideak ematen laguntzen diete, beren bizitzetan aurrera egin dezaten. Gainera, herri mugimenduen garrantzia azpimarratu du, pertsona guztiek eskubide berberak izan ditzaten, eskubide horiek batzuetan urriak direla ziurtatzen baitu.

Hona hemen "Gakoak" saioan egindako elkarrizketa osorik entzungai.