Novaltiako grebalariek elkarretaratzea egin dute gaur Bilboko Epaitegien aurrean, greba eskubidea urratzeagatik egin den epaiketa dela eta. 2019an greba hasi zenetik, enpresak grebarekin bat egin ez duten langilei hileron 300 euroko gainsaria ordaindu die. Gaur Novaltiako grebak 966 egun bete ditu, Europako grebarik luzeena.

Asteburura begira, aurreko larunbatean, martxoaren 12an, InteRed EH-ak bigarren Indarkeria matxisten prebentziorako hezkidetza topaketa antolatu zuen Azkuna Zentroa-Alhondigan, Garapenerako Lankidetzaren Euskal Agentziaren laguntzarekin. Topaketa honen helburua da agerian uztea ikasgeletan hezkidetzak duen garrantzia, zaintzaren kultura eta berdintasunean, eta eskolan indarkeria matxistak prebenitzean oinarritutako balioak sustatzea.

EH Bilduk, ERCk eta Unidas Podemosek aurreakordioa lortu dute PSOErekin, elizan sexu-abusuak jasan dituzten biktimei ahotsa emango dien espazio bat sortzeko Kongresuan. Horri esker, biktimek ahotsa izango dute eta Kongresuan gertatutakoa kontatu ahal izango dute, eta gizarteak lehen pertsonan entzun ahal izango ditu haien testigantzak.

Loraldia Festibalak Euskal Herri osoko kultura sustatzea du helburu. Horregatik, Bozak deituriko esperientzia digitalaren bigarren edizio honetan Iparra eta Hegoaren artean dagoen mugaren inguruan solasaldi bat egingo dute.

Euskal rock erradikalaren historia musikal batean kontatzeko asmoz, Olatz Gorrotxategik ‘Mierda de ciudad’ izeneko antzezlana ekoiztu eta zuzendu du.

Zenbatezina da Emakumeen Nazioarteko Egunaren harira deitutako protesta kopurua. Aurten ere, genero-arrakalaren bukaera eta emakumeen eta gizonen arteko berdintasuna aldarrikatuko dute feministek. Eta horrez gain, zaintza jarri dute erdigunean gaurko mobilizazioetan.

'Gakoak' saioan izan ditugu Lanbroa kolektibo feministako Itziar Azpeitia eta ONEKA EHko emakumen pentsionisten kidea Itziar Lasuen.

Save the Childrenek “XXI. mendeko Hezkuntzarako Oinarrien Zirriborrorako” zuzenketa-proposamena erregistratu du Eusko Legebiltzarrean. Horretan, segregazioaren aurkako neurri eta konpromiso zehatzak batzen dira; izan ere, erakundeak zuzenketa batzuk proposatu ditu, hezkuntza inklusiboa izatea bermatzeko.

EH Bilduk Klimaren Aldeko Herri Ituna aurkeztu zuen, herenegun, Gasteizen. Momentu honetan, bai Euskal Autonomia Erkidegoan zein Nafarroako Foru Komunitatean, aldaketa klimatikoaren eta trantsizio energetikoaren legeak eztabaidatzen ari dira eta nabarmendu dutenez, “lege horiek neutraltasun klimatikora heltzeko ibilbide-orria ezarriko duen herri itun baten tresna normatiboa" izan behar dira.

Egun garrantzitsua da gaurkoa Gasteizen. 46 urte bete dira Espainiako Poliziak Gasteizen bost langile hil eta beste ehunka zauritu zituenetik, eta, urtero legez, Martxoak 3 elkarteak biktimen omenezko ekitaldiak antolatu ditu. Elkarteko kideek ohartarazi dute justizia lortzeko eta zigorgabetasuna hausteko lanean jarraituko dutela.