Iñigo Martinez Zaton Elkarrekin Podemos-IUko legebiltzarkidea elkarrizketatu dugu Hamaika Telebistan. Martinezek salatu du Hezkuntza Legearen aurreproiektuan ez direla txertatzen Hezkuntza Hitzarmenean adostutako hainbat proposamen, eta hainbat dekretu onartu direla. Besteak beste, “oso urraketa larritzat jo du 0-3 urte arteko gelak ituntzearen proposamena, itunpekoen sarea indartzen duelako eta eskola publikoaren aurkako neurria” delako.
Idurre Eskisabel Euskalgintzako Kontseiluko idazkari nagusia elkarrizketatu dugu Hamaika Telebistan. Durangoko Azoka izan du hizpide lehenengo, eta nabarmendu du “espazio bat berreskuratzearen sentsazioa” duela: “Berriro ere jendetsu eta plazan bagarela adierazteko gogoz ikusi dut azoka“.
.jpg)
Ane Abanzabalegi Durangoko Udaleko Herrigintza zinegotzia elkarrizketatu dugu Hamaika Telebistan. Nabarmendu du benetan “pozgarria” dela Durangoko Azokaren ohiko irudia berreskuratzea: “Euskal kultura ez dago bere unerik onenean, baina argi daukagu horren aldeko bultzada egin behar dela; Durangoko Azokak bizipoza ematen dio Durangori".
Iñigo Hernando Galdakaoko alkatea elkarrizketatu dugu Hamaika Telebistan. Gorozibaiko instalazio fotovaltoikoaz hitz egin du, eta adierazi du 90.000 metro karratu dituela, 6 MWh-ko potentzia instalatzeko aukera emango duela eta horrek suposatzen duela 3.000 etxebizitzentzat argindarra bideratzea.
Joseba Belaustegi GuraSOS elkarteko kidea elkarrizketatu dugu Hamaikan. Erraustegia behin behinean gelditzeko eskatu dute “legez ez dagoelako beste aukerarik, eta arrazoizko kontu bat delako, kutsatzen eta pozoitzen ari delako”.
Miren Lauzirika eta Izaskun Rama EmakumeEkin elkarteko presidente eta lehendakariordea elkarrizketatu ditugu Hamaika Telebistan. Arabako, Bizkaiko eta Gipuzkoako emakume ekintzaileen premiak azaleratzeko manifestu bat aurkeztu dute Donostian.
Agustin Aizpuru Usansolo Herria plataformako kidea elkarrizketatu dugu Hamaika Telebistan. Berak ez du uste Espainiako Gobernuak desanexioari helegitea jarriko dionik: “Injustizia izango litzateke, 40 urte geroago, atzera botatzea Usansoloren gogoa, eta espero dugu borondate politikoarekin gauzak konpontzea”.
Miren Elgarresta Emakundeko zuzendaria elkarrizketatu dugu Hamaika Telebistan. Azaroaren 25erako martxan jarritako kanpaina izan du hizpide, eta nabarmendu du aurten gizonezkoengan jarri dutela fokua: “Gehiegitxo jartzen genuen fokua emakumearengan, biktimarengan, eta gizonei interpelazio zuzena egitea erabaki genuen”. Zentzu horretan, Elgarrestak azpimarratu du gizonek beste gizonak interpelatu behar dituztela.
Bingen Zupiria Eusko Jaurlaritzako Kultura eta Hizkuntza Politikako sailburua eta Eusko Jaurlaritzaren bozeramailea elkarrizketatu dugu Hamaika Telebistan. Eusko Jaurlaritzaren aurrekontuen negoziazioak izan ditu hizpide, eta nabarmendu du “EH Bilduk badakiela beren botoak ez direla beharrezkoak aurrekontuak aurrera ateratzeko, eta bere kalkulu politikoan interesgarriagoa dela Jaurlaritzaren aurrekontuak ez babestea”.
