EAEn gaur egun 45 energia-komunidade daude, udalak, herritarrak eta kasu batzutan ere enpresak inplikau dira horretan. Guztira 5.200 pertsona dagoeneko eta guztira 17 megawatt instalauta. EHUn Ingenieritza Doktorea da baita ENEDI ikerketa taldeko kidea da Koldo Martin.
Emmanuel Macron presidentearen gobernuak aurrera eraman nahi duen pentsioen erreformaren aurkako greba orokor batera deitu dute frantziar estatuko sindikatuek biharko, baita Ipar Euskal Herrian ere. Maite Ubiria kazetariarekin aztertu dugu honek zer ekarri dezakeen eta zer ari den gertatzen pentsioekin Europan.
Eman ditu, eta emango ditu emaitzak Montrealgo Protokoloak. Itun hori 1989an sartu zen indarrean, ozono geruzari kalte egiten dioten produktu kimikoak erabiltzea galarazteko. 30 urtetik gora igaro dira ordutik, eta badirudi bide onean dela: NBEren arabera, 2066rako ozono geruza berreskuratuko da mundu osoan —hori bai, 1980ko mailan—. Jon Mattin Matxain ikertzailea da EHUko Kimika Teorikoko Taldean, berarekin jorratu dugu gaia.
Peruko Gobernuak larrialdi egoera luzatu du igande honetatik eta 30 egunez Lima, Cuzco eta Puno eskualdeetan eta beste lau probintzia eta barruti batean, orain arte 50 hildako utzi dituzten protesta sozialak kontrolatzeko. Indarkeriaren zurrunbiloa abenduaren hasieran hasi zen, Pedro Castillo presidente ohia kargua uztera behartu zutenean, eta matxinadagatik atxilotu zuten, Kongresua desegiten eta dekretuz gobernatzen saiatu ondoren, hirugarren epaiketa politiko bat saihesteko helburuarekin. Bien bitartean, Dina Boluarte presidenteordeak botereari eusten dio eta barne etsaia eraikitzen saiatzen ari da errepresioa justifikatzeko. Veronica Satrustegik azaldu digu egoera.
Brasilen gertatutako estatu kolpe saiakeraren ostean, ez dira gutxi izan Espainiako PPren jarrerarekin alderatu izan dutenak, hauteskundeen emaitzak edo Gobernua desligitimizatzen saiatzen ari diren heinean. Besteak beste, horren adibide gisa Botere Judizialaren blokeoa da.
2021eko urtarrilaren 6an Ameriketako Estatu Batuetan izan zen, eta 2023ko urtarrilaren 8an, Brasilen: Jair Bolsonaro Brasilgo presidente ohiaren ehunka jarraitzailek Brasilgo Kongresua hartu dute, Brasilian. Luiz Inacio da Silva Lula presidentearen aurka egiten ari ziren manifestazio bat kongresura iritsi da; han, Poliziaren hesia gainditu, eta eraikinera sartu dira. Han zeuden hainbat gauza suntsitu dituzte, besteak beste. Zuriñe Rodriguez kazetari eta analistarekin aztertu dugu gertatutakoa.
2023aren hasieran Niko Cuenca ekonomialariarekin aztertu dugu urteak dakarrena alor ekonomikoan. Hego Euskal Herrian BEZaren jaitsierak izan duen eraginaz eta kontsumo ohituretan ematen ari diren aldaketak batetik, eta Nazioarteko Diru Funtsaren ohartarazpena, bestetik.
