Astelehenero bezala, asteburuko kirol jardunaldien errepasoa egin du Ane Urkiri kirol kazetariak. Super Amara Bera Bera eskubaloi taldeak zortzigarrenez irabazi du Erreginaren Kopa, Illunben jokatutako finalean, Aula Valladolid 32 eta 24 mendean hartuta.

Itzuliari ere egin dio errepasoa Urkirik. Izan ere, Demi Volleringek (SD Worx-Protime) irabazi du igandean 2024ko Itzulia Women lasterketa, hirugarren etapan garaipena bereganatuta. Herbeheretarrak azken etapan erakustaldia emanda jantzi du txapela.

Bukatzeko, Osasunak 1-0 irabazi dio Espanyoli Sadarren F Ligara igotzeko play-offeko finaleko joaneko partida. Ondorioz, talde gorritxoak abantailarekin ekingo dio maiatzaren 16ko itzuliko partidari.