UNICEFek kaleratutako txosten batek agerian utzi du pandemiak areagotu egin dituela gaztetxoen buruko nahasmenduak eta arazo psikologikoak. Garazi Barriuso UNICEF Euskal Herriko batzordeko komunikazio arduradunak azaldu duenez, "10-19 urte bitarteko 7 nerabetik 1ek baino gehiagok" dituzte arazo psikologikoak. Osasun mentalaren gainean dagoen estigmarekin eta isiltasunarekin "apurtu" behar dela nabarmendu du eta era berean "inbertsio gehiago" egitea da Gobernuei bideratzen dieten eskakizuna.