Datozen egunetako kultur agendari begira jarri gara Irati Agirreazkuenaga kultur adituarekin. Asteburu honetan ‘Loraldia plazatik plazara’ izango da Arrigorriagan, eta gaur bertan Mira hadi. Eulalia abaitua andre-begietan’ ikuskizuna ikusi ahal izango da Lonbo aretoan. Larunbatean Anonyme Popular talderen kontzertua izango da, eta Ana Galarragak eta Pettik Frankestein agurgarria ikuskizua eskainiko dute igandean.
Metrokoadroka Sormen Laborategiak eta ’21 Aulki’ ekimenak ’21 aulki! zikloa antolatu dute Oiartzungo Ehuntze espazioan, urriaren 16tik 23ra. Irakurketa dramatizatuak, literatura, artea, poesia, erakusketak eta ikuskizunak izango dira, besteak beste. Nagore Legarretaren ‘Gorputzen errebuelta’ argazki saioa eta ‘Argigrama’ adin guztietarako lantegia, Pessoak atera zuen Sarrionandia kartzelatik emanaldiaren aurrestreinaldia eta Onintza Etxebesteren “Baserriaren laborategia: kolektiboari hitza ematea” tailer-solasaldia antolatu dituzte.
Datorren asteburuan, ostiralean eta larunbatean, 20:00etik aurrera, Argiartean jaialdia egingo da Donostian, eta proiekzio ikusgarriak eta zuzenekoa emanaldiak izango dira Donostiako Oroimenaren laborategian. Argiak sortzen dituen kolore eta formetan oinarrituta esperientzia artistiko interaktiboez gozatu ahal izango dute bertaratzen direnek.