Azken hiru hamarkadotako abestien bertsioak jaso ditu Jon Maiak liburu-disko batean. Izan ere, aurten 30 urte betetzen dira bertsolari eta idazle gipuzkoarrak musika talde bati letra ipini zionetan. Harrezkero, 170 kanta inguru jorratu dizkie Euskal Herriko musika talde nahiz bakarlari desberdinei. 'Kantu bat gara' diska-liburuak "gustatzen zaidan Euskal Herria islatzen" duela azaldu du, "daukagun panorama zabalaren lagin bat" dela, alegia. Lan honetan hainbat kolaboratzaile eta musikari biltzea, lagunak biltzea, "izugarria" izan dela adierazi du.