Musika Zuzenean saioaren 5.denboraldiari ekingo diogu gaur Hamaika Telebistan, eta zifra borobila izango du gaurko saioak: 150. saioa. Koldo Otamendi aurkezlearen esanetan, itxura aldatu diote programari, baina helburu bera izaten jarraituko du: "Musika talde berriak ezagutaraztea".

Urtemuga borobila ospatzeko, zuzeneko emanaldia ere antolatu dute bihar Donostian. Etxeko taldeak izango dira agertokian, tartean Hamaika telebistako lankideak: "Lagunartean eta zuzeneko musikarekin ospatuko dugu", dio Otamendik.

Gaurtik aurrera, beraz, Musika Zuzenean saioa 20:15ean eta 22:00etan, eta nahieran www.hamaika.eus webgunean.