Bilboko Arriaga Antzokian banatuko dira gaur SGAE fundazioak antolatutako Max sariak. Aurtengoa sariketa honen 24. edizioa izango da, eta arratsaldeko 20:00etan hasiko da. Bernardo Atxaga idazlea, Mastodonte Asier Etxeandiaren eta Enrico Barbaroren taldea, Yogurinha Borova, Afrika Bibang kantaria eta Jon Maia bertsolaria izango dira gonbidatuetako batzuk. Miren Gaztañaga antzezleak ere parte hartuko du eta berarekin hitz egiteko aukera izan dugu.