Aste honetan jakin da udal aktak euskara hutsean idaztea zilegi den edo ez aztertuko duela Espainiako Auzitegi Konstituzionalak. Horren harira, Paul Bilbo Euskalgintzako Kontseiluko idazkari nagusiarekin hitz egin dugu Hamaika Telebistan.

Salatu duenez, botere judiziala "hizkuntza politika egiteko saiakera" egiten ari da auzia Auzitegi Konstituzionalera eramanda. Adierazi du "kezkatuta" dagoela instituzioek euskaldunon aurkako "eraso" horri eman dioten erantzun ezagatik; hori horrela, beharrezkotzat jo dute instituzioek, euskalgintzak eta eragileek "erantzun ozena" artikulatzea.