Azken urteetan Mexiko zeharkatu nahi duten pertsonen kopuruak gora egin du. Errefuxiatuentzako NBEren Agentziak (ACNUR) iaz egindako monitorizazio baten arabera, modu irregularrean sartu ziren pertsonen % 51k adierazi zuen indarkeria, segurtasunik eza eta mehatxuak direla jatorrizko herrialdetik alde egiteko arrazoi nagusiak. 2022an zifra %40koa zen. Vero Satrustegi nazioarteko berriemaileak azaldu digu egoera. Izan ere, inkestatutako pertsonen % 66k adierazi zuen bere bizitza, segurtasuna edo askatasuna arriskuan egongo litzatekeela jatorrizko herrialdera itzuliz gero, eta horietatik % 54k adierazi zuen mehatxu zuzenei aurre egingo liekeela.

Emakumeen erdiak baino geihiagok adierazi zuen indarkeriaren eta mehatxu zuzenen biktima izan zela ihes egiteko arrazoi nagusia. Agentziak adierazi zuenez, ehuneko horiek indartu egten dute Mexikon modu irregularrean sartzen diren pertsona askok nazioarteko babes-beharrak izateko aukera, eta, beraz, asilo-sistemak eta prozedura zuzen eta eraginkorrak indartzeko eskatzen du. Horri dagokionez, agentziak adierazi zuen inkestatutako pertsonen heren batek babes-behar espezifikoak zituela, ama edo bakarrik zaintzaileak zirelako, abusuak jasan zituztelako bizirik iraun zutelako, baldintza mediko kronikoak zituztelako, haurdun edo bularra ematen ari zirelako, desgaitasuna zutelako eta adineko helduak zirelako.