Ekidaren 'Agirretarren bandera' antzezlana ezagutu dugu Paul Beitia eta Lurdes Ondarorekin. Horrez gain, 'Teatro en la Chacena' antzerki taldearen berri eman digute Karen Erreak eta Andrea Amorenak.
Klik batean
'Ongi Egiten Dugu Iruñekoak Izateko' Laban sortutako podcasta da. Iruñerria ardatz duen podcasta da hau, gaurkotasunari errepasoa eginez bertan gertatzen denari buruz kuxkuzeatzen dute. Irri egin eta ongi pasatzeko parada dela esan digute Iker Tubia eta Yasmine Krish podcasteko esatariek.
Aste honetako Klik Batean saioan hainbat musika talde gazte ezagutu dugu: Zaunka taldeko Alba Etxarri, Carla Ruiz eta Alba Legardarekin hitz egin dugu, Xoriñoak Kaloian rock taldea ezagutu dugu Iñaki Sagardoi eta Eneko Elizalderekin eta Burutik taldeko Asier Capon eta Jokin Barriolarekin ere izan gara.
Gaztez osatutako antzerki taldea dela da 'Teatro en la Chacena'ren ezaugarri berezia. Zuzendu izan ezik, dena gazteek egiten dute, aktore eta teknikari lanetan ibiltzeaz gain, jantzitegia, eszenografia... dena haiek egiten dute. Gainera, estatu mailan garrantzitsuak diren Juan Mayorga amateur sariak bitan irabazi dituzte. Karen Errea aktoreak eta Andrea Amorena teknikariak kontatu digute.
Arturo Campion euskaltegiaren 50 urteotako ibilbidea ezagutu dugu Nekane Otamendi eta Xabi Martinez de Lezea bertako bi kiderekin. Horrez gain, 'Periferiaren mugak' dokumentala ekoitzi duten Irati Egibar, Irene Zaldua eta Ekhiñe Aizkorbe elkarrizketatu ditugu. Euskararen hainbat errealitate jaso dute Periferiaren mugak dokumentalean, Euskal Herriko periferietako herrietako euskararen egoera ikertuz. Dokumentala nahieran ikus dezakezu hemen.
Ekidak sortutako antzezlana da 'Agirretarren Bandera'. Modu militantean sortutako obra honek, gaur egungo egoeraz hitz egin nahi du eta horretarako fikziozko historia bat sortu dute. Politika iraultzailearen porrot garaian dago kokatua, pentsatuz egoera hori edozeini eragin diezaiokeela. Paul Beitiak eta Lurdes Ondarok kontatu digute.
Gerria mugitzeko gogoz? Raimundo El Canastero eta Baizera musika taldeetako Iñaki 'El Txarro' eta Bittorino 'El Txaral eta Xabi Gonzalez eta Josu Garaterekin izan gara aste honetako Klik Batean saioan. Ez galdu!
Mikro ireki batetik sortutako musika taldea da Zaunka. Punk romantika folklorika adjetiboekin identifikatuak sentitzen dira eta 'Mamarratxas pero buenas mutxatxas' eta 'Habas frescas rural stayla' dira haien late motiv-ak. Alba, Carla eta Alba dira taldekideak, eta haien taldeaz hitz egiteaz gain, oholtza gainean dagoen emakumeen presentziari buruz hitz egin dugu.
Aste honetako Klik Batean saioan, Atarian.eus proiektua ezagutuko dugu Ekhiotz Prieto eta Iñigo Urrizelkirekin. Horrez gain, 'Ez Dago Hilda' kolektiboaren berri emango digute Eunate Orkin eta Asier Plarekin, eta Txus Perezek 'De profesion: Artista' liburua aurkeztuko digute.
