Leirek, Ixonek eta Nereak osatzen dute Sutan dantza taldea. Ibilbide luzekoak dira hirurak, eta dantza taldea sortu zutenean batera gauza politak egin ahal zituztela ikusi zuten.
Klik batean
Jonek eta Itsasok kontatu digutenez, Karrikiri tresna bat da. Euskaraz Iruñean bizi nahi duen ameslari talde batek sortu zuen elkartea. Haien 25.urteurrena ospatzeko egitarau zabal bat antolatu dute.
Bertx(h)ori sariketa ostegun honetan amaituko da Laban jokatuko den final handiarekin. Hiru saioren ostean, Xabat Illarregi eta Ainara Ieregi, Bittori Elizalde eta Aner Peritz eta Peio Ardaiz eta Haizea Arana arituko dira bertsotan.
Askapenako kidea den Luciarekin hitz egiteko aukera izan dugu. Askapenaren helburuez gain, internazionalismoa eta brigadak zer diren ere azaldu digu.
'Kaba inurria' ipuin musikatua da, eta musikak egiten du berezi. Pertsonai bakoitzak musika bat du, eta bere sentimenduak hobe ezagutzeko balio du. Liburua lau emakumek egin duten arren, guk birekin hitz egiteko aukera izan dugu, Diana ilustratzailearekin eta Olaia itzultzaile eta biolin jotzailearekin.
Iruñerriko Mintzakuadrillak proiektuko koordinatzaileak dira Ander eta Jon. Iruñerrian 2017-2018 ikasturtean jarri zuten martxan, gazteei euskaraz hitz egiteko espazio seguru bat emateko helburuz.
Odei Domingotik urrun dagoen pertsonaia da Hodei magoa. Euskal Herriko plaza eta aretoak magiaz nola betetzen dituen kontatu digu.
'eRRe. Aldarri bat bertsoz' Haizea eta Oihana Aranak, Leire Vargasek eta Aner Peritz 'Euzkitze'-k sortutako bertso emanaldia da. Hala ere, bertsolaritzatik haratagoko proiektua da, beste arte disziplina batzuk ere jorratu dituztelako.
'Ez Dago Hilda' kolektiboa duela urte batzuk jaio zen Iruñerrian. Urrian EDH Festaren bigarren edizioarekin 'Ez zaituztegu bakarrik utziko, euskal eszena gaztetxeen alde' kanpainari bukaera eman eta haien helburu berriei ekingo diete.
