Minutu batean

“El Diario Vasco” Donostiako egoitza nagusia saldu diote Amenabar enpresari

Sociedad Vascongada de Publicacones SA enpresak 18,5 milioien euroren truke saldu du egoitza. Izadi Enea izena jarri diote proiektuari. Udalak eta enpresak sinatu duten hitzarmenak 21.600 m²-ko hirigintza eraikigarritasuna proposatzen du. Horietatik, 21 000 m² bizitegi erabilerarako; 12.600 sustapen libreko etxebizitzetarako, 4.200 babes sozialerako eta 4.200 tasatutarako eta 600 m² merkataritza erabilerarako.

Bizkaiko kostaldea zeharkatuko du 'Artearen ibilbidea' erakusketak, Ondarroatik Muskizera

Bizkaiko kostaldea zeharkatuko du udan zehar 'Artearen ibilbidea' erakusketa ibiltariak. Bilboko Arte Ederren museoko 36 piezen kalitate altuko erreprodukzioak jarriko ditu ikusgai kostaldeko zenbait herrietan, aire zabaleko erakusketetan. Ondarroan eman dio bideari hasiera ekimenak eta urriaren 4ra bitartean Muskizera arteko bidea egingo du proposamenak.

LGTBI Harrotasunaren Eguna, Stonewalleko istiluen omenez

Stonewalleko istiluak jazo zirenetik 52 urte bete dira. 1969ko ekainaren 28an, zortzi polizia Stonewall Inn pubera sartu ziren, New Yorkeko Greenwich Village auzoan. Legez kanpoko alkohol salmenta ikertzeko baimena zeramaten besapean. Dokumentua, baina, aitzakia besterik ez zen. Euren asmoa gay, bisexual eta transexualak jazartzea zen, beste behin. LGTBI mugimenduaren pizkunde politikoaren ikurretako bat da. Istiluen lehen urteurrenean, manifestazioa antolatu eta 5.000-10.000 lagun batu ziren New Yorkeko kaleetan. LGTBI Harrotasunaren Eguna ospatzen da gaur egun mundu guztian haren omenez.

hamaika telebista

11 laguntzaile

Image