Pandemia aurreko zifrak gainditu dituzte 2022 urtean EAEk eta Nafarroak, turismoari dagokionez. "Bestelako turismo" mota bat, jasangarria eta tokiko ekonomia zein ingurumena zaintzen dituena da Nafarroako zein Euskadiko Gobernuak azken urteetan indartzen ari duten formula, eta horixe da, FITURen beste behin defendatutakoa. Hamaika Telebistako talde bat FITURera gerturatu da.
Zinemari eta kulturari keinu bat egiteko Paul Urkijo zinemagileak eman zion hasiera aurtengo txotx garaiari Trebiñuko sagardotegian. 2023ko uzta aurreko urteko baino txikiagoa izan da, lehortearen eraginez; hala ere, sagarren kalitatea nabarmentzen du Koldo Markinezek, Trebiñuko sagardotegiaren arduradunak.
Bost urte bete ditu Euskal Herriko Pentsiodunen Mugimenduak. Bost urte hainbat mugimenduetan ibilitakoek Bilboko udaletxearen atarian bildu zirenetik. Gutxira, baina, pentsioen ehuneko zero koma hogeita bosteko igoeraren aurkako aldarriak Hego Euskal Herriko hainbat herritatara zabaldu ziren. Aldarrikapen historikoa izan da 1080 euroko gutxieneko pentsioa. Zapi gorria soinean kalean jarraituko dute pentsiodunek.
XXX. Sagardo Berriaren Egunarekin batera ateak ireki dituzte Euskal Herriko sagardotegiek. Aurtengo txotx irekiera Aitziber Garmendia eta Jon Plazaola aktoreek hasi dute, ilusio handiz, Astigarragako Alorrenea sagardotegian, Gipuzkoan.
Donostiako San Telmo Museoak 120 urte bete ditu. 1902ko urriaren 5ean Museo Historiko, Artistiko eta Arkeologikoa inauguratu zen, gaur egun San Telmo Museoa dena. Karmele Barandiaran museoko Garapenaren eta Publikoen Arduradunarekin egoteko aukera izan dugu eta 120 urte hauetan izandako ibilbidea azaldu digu.
Araotzeko neska eskola zaharra berritu eta 4 apartamentu turistiko, taberna eta jatetxea egokitu dituzte. Instalazioak altzariz jantzi eta etxetresnaz hornituta daude, Orkatzategiren magalean, Oñatiko Araotz auzoan, naturzale guztei ongi etorria eginez.
