Maitasunaren itxiera antzezlana da Arriaga Antzokiaren azken ekoizpena. Bikote baten banaketa prozesua taularatuko dute Eneko Sagardoy eta Miren Gaztañaga antzezleek. Pascal Rambert-ek frantsesez sortutako testuaren lehenengo euskarazko bertsioa izango da eta testuaren sortzaileak berak zuzendu du. Apirilaren 29tik maiatzaren 1era izango da Bilboko antzokian.