Gasteizko Emakumeen etxeak hainbat ekimen eta ekintza antolatzen ditu feminismoa sustatzeko eta erreferente bihurtzeko zenbait kolektiborentzat. Topaguneak, lantegiak eta baita liburutegi feminista ere aurki ditzakegu bertan.

2019. urtean jaio zen Gasteizko Emakumeen Etxea, jabetze feminista indibiduala eta kolektiboa bultzatzeko helburuarekin. Geroztik, hainbat proiektu eta ekimen feminista biltzen ditu eta urtero egitarau zabala eskaintzen die herritarrei.

Aurten, gainera, beste aurrerapauso bat eman du eta Emakumeen Etxeko logotipoa berritu du. Irudi berri honekin gune feminista, inklusiboa eta irekia dela islatu nahi dute.