2007an hasi zen Gasteizeko etxe aurreko hormairudien proiektua, hiriko artista eta bizilagunek lankidetza prozesu baten bitartez osatu dituzte adierazpen artistiko hauek.
Eredu parte hartzaile argia da proiektua, mural bakoitzaren atzean diseinutik hasita margoztera arteko prozesu sakon bat dago. Buruileria Plazan aurkitzen den “Denboraren harira” murala da sortu zuten lehenengoa, 13 bolondresek parte hartu zuten. Alde zaharrean guztira 11 mural daude, horietako asko hiritarren historio eta adierazpenez apainduak. Mural bakoitzak badu bere kontakizuna, hauek ezagutu ahal izateko bisita gidatuak egiteko aukera dago.