Duela 40 urte ospatu ziren Lemoizko zentral nuklearraren kontrako “Herrikoi topaketak” Bilbon, 1980ko azaroan. Urtemuga esanguratsu horren bueltan, erakusketa osatu du Iskandar Rementeria arte-ikertzaileak “Lemoiz gelditu” murala protagonista izanik. Dohaintzan jaso du Bilboko Arte Ederren museoak eta garai hartako mugimendu antinuklearraren testigantza jaso eta zabaltzeko asmoarekin osatu du Rementeriak erakusketa.