2021eko otsailean, Martxoak 3ko memoriala posible egingo zuen akordioa sinatu zuten Eusko Jaurlaritzak, Arabako Foru Aldundiak, Gasteizko Udalak eta Apezpikutzak. Egitasmoa urtebeteko epearekin martxan jarriko zela iragarri bazen ere, hiru urte behar izan dira Memorialaren fundazioa eratzeko.

Orain, akordio hura sinatu eta hiru urte beranduago, fundazioa modu ofizialean eratuko da. Atzerapena baino, urte hauetan zehar edukietan aurrerapausorik eman ez izatea kritikatu du Martxoak 3 Elkarteak.