Azken orduko sorpresarik ezean, presidente karguan legealdi bakar bat eman duen presidenteen zerrenda luzatuko du Donald Trumpek. Pentsa liteke lau urtean ez duela gauza asko egiteko denborarik ematen, baina azken legealdian aldaketa nabarmenak egin ditu. Herritarren politizazioa areagotu egin da, eta baita banaketa ere. Europatik begiratuta hainbat politiketan bi alderdi nagusien artean ezberdintasun handirik ez dagoela eman dezakeen arren, batzuen zein besteen aldekoen arteko polarizazioa indartu egin da.