Asteburu honetan, Ligan, jokoan zituzten 15 puntuetatik, gizonezkoen futbol taldeek soilik 2 eskuratu dituzte Realak eta Osasunak lortutako berdinketei esker. Gure ekipoen jarduna, Alessandro Ruta eta Iker Aginagarekin batera. Futbolarekin jarraituz, Premier Leagueko gaurkotasuna aztertu dugu Londresen lan egiten duen Alvaro Romeo kazetari bilbotarrarekin. Japoniara jo du baita, emakumezkoen eskubaloiko munduko txapelketaren berri izateko bertan dagoen Nagore Odriozolarekin batera. Lointek Gernikaren denboraldi bikaina izan dugu hizpide eta gure azken kromoa Fernando Martin mitikoarentzat izan da, bere heriotzaren 30. urteurrenean.

Suediarrak Los Angeles Galaxy utzi eta abentura berri bati ekingo dio, zurrumurruen arabera baliteke Milanera itzultzea. Hala ere, bitartean, zeresana ematen jarraitzen du, besteak beste, Hammarby klubaren erosketarekin. Egoera honek, Malmoeko zaleen haserrea eragin du. Honatx, Alessandro Rutak Marakana Txikian osatutako soslaia.

UEFA Europa Leaguen Frankfurt-eko Eintrach taldearen aurka galdu ostean, Arsenaleko zuzendaritzak Unai Emery kargutik kentzea erabaki zuen. Marakana Txikia saioan, gai honen inguruan aritu gara Londresen lanean dagoen Alvaro Romeo kazetari bizkaitarrarekin batera.

Alessandro Ruta eta Egoitz Askasibarren parte hartzearekin, Marakana Txikian kirol errepasoa osatu dugu. Ligan, Reala, Athletic eta Osasunaren garaipenak izan ditugu eta saskibaloian, Gernikak Araskiren kontrako derbia eraman zuen. Hortaz gain, Unai Emeryren kanporaketa izan dugu hizpide.

Gerard Piqué futbolariak hainbat proiektu gidatzen ditu berdeguneetatik kanpo, euren artean Davis Cup txapelketaren eraberritzea. Bere eskutik, 24 talde elkarrekin aritu dira egun bakar batzuen buruan, "entsaladera" irabazteko asmoz. Formatu berri honen lehen edizioa Madrilen lehiatu da eta zalantza ugari eragin ditu, partidak gaueko ordu txikiak bitarte luzatu edo publikoaren erantzunagatik. Kirol alorrean, Nadalek gidatuta, Espainiak bere seigarren koroa eskuratu du. Honatx, Alessandro Rutaren analisia.

2016ko abuztuaren 15ean, bere aitaren etxearen aurrean, poliziak laser pistola batekin Dalian Atkinson futbolari ohia tirokatu eta hil zuen. 1990-1991 denboraldian, Realean jokatu zuen, 12 gol sartu eta zaletuen maitasuna bereganatuz. Orain, hiru urteko ikerketaren ostean, bi polizia epaituko dituztela iragarri dute. Marakana Txikia saioan, Azken Kromoa sekzioa eskaini diogu.

Kenan Kodroren gol batek Osasunaren bolada bikainari amaiera eman zion. Horrenbestez, 30 partida eta gero, gorritxoek porrota jaso zuten etxean. Asteburuko beste derbian, Alavesek garaipen garrantzitsua lortu zuen Ipuruan. Bestalde, saskibaloian, Baskoniak susperraldi bikaina izan du baina Patricio Garino denboraldi osorako galdu du. Azkenik, Espainiak Copa Davis-eko edizio berria irabazi du. Hauek eta beste hainbat, Marakana Txikia saioan, Beñat Zarrabeitiaren gidaritzapean eta Olatz Foruria zein Mikel Zumalderen parte hartzearekin.

Roberto Mancinik gidatutako taldeak sailkapen fase bikaina osatu eta Eurokoparako txartela lortu du. Jokalari gazteen presentzia handiarekin, urdinek txapelketako lehen partida Erroman jokatuko dute. Marakana Txikian, Alessandro Ruta eta Mikel Zumalderekin batera aztertu genuen.

Joseba Ezkurdiak bere bigarren txapela jantzi du kaiolan. Sakandarrak Jokin Altuna gainditu zuen, indarrez eta azken tantoen errenkada bikaina lortuta. Marakana Txikian, arbizuarraren arrakaste aztertu eta Mikel Zumalde kazetariak haren "Irujizazioa" nabarmendu zuen.