Uztailean zehar MusikaZuzenean TB saioaren denboraldiak eman duena ikusteko aukera izango duzue. Bigarren atal honetan Iker Lauroba, Onki Xin, Bi Zaldi, Jon Maia, Iseo, Kilimak eta Sistemak Arriskutsuak Dira talde eta bakarlariekin izango gara, eta beraien kantuak izango dira protagonistak.

Musika Zuzenean telebista saioa bosgarren denboraldiaren amaierara iritsi da. Uztailean emitituko ditugun saioetan urte guztian egindako lana ikusteko aukera izango duzue. Lehen saio honetan Tatxers, Hegazkin, Idoia, Rotten XIII, Giante eta Xiberoots talden entsegu lokalean sartuko gara eta bertan grabaturiko kantuak izango dira protagonista.

Ikusi Musika Zuzenean saio guztiak nahieran.

Erreportaje nagusia egiteko nafarroako Erize herrira bidaiatuko dugu. Bertan dute entsegu lokala Burutik taldeko kideek, eta bertan sortu dituzte taldearen bigarren estudioko emaitza den 'Hamabost segundu' diskoko kantuak. Hitz bitan atalera, berriz, Ruben bernedo gonbidatu dugu, Braulio, Shibari eta Uther taldeko kidea. Bere gustuko areto, disko eta kantuen berri eman digu laburrean.

Ikusi Musika Zuzenean saio guztiak nahieran.

MusikaZuzenean telebista saioaren 183. atala ederra dator. Erreportaje nagusia grabatzeko Bilbora egin dugu bidai. Bertan genituen zain egun VULK taldea osatzen duten Andoni, Jangintz, Alberto eta Julen. 'Vulk Ez Da' diskoan berrian barneratu gara laukotearekin. Saioaren bigarren zatian Asteburuko Musika Agendari izango dugu, eta gurean izango diren zenbait zuzeneko emanaldiei buruz ariko gara laburrean.

MusikaZuzenean TB saioaren 182. ataleko erreportaje nagusia grabatzeko Larrabetzura egin dugu bidai. Bertan genituen zain J Martina osatzen duten Jabi, Kattalin eta Ane, eta beraiekin batera 'Jaio naiz baina' kantu xortan barneratu gara. Hitz Bitan atalera berriz, Jokin Larrañaga gonbidatu dugu, The Clayton taldeko ahots nagusia. Bere gustuko diskoa, areto eta kantuen berri eman digu laburrean.

Erreportaje nagusia egiteko Bermeon izan gara. Etxekalte laukotearen 'Nor da norbera?' diskoa ezagutuko dugu gertutik Nuntxaku gunean egindako elkarrizketa mamitsuan. Hitz Bitan atalera berriz, Suharri Aranburu gonbidatu dugu Trini Fox taldeko gitarrajole eta abeslaria. Bere gustuko disko, kantu eta aretoen ingurutuan aritu zaigu laburrean!

Gaurkoan ere saio monografikoa burutuko dugu Bonberenea Ekintzak plataformaren 20 urteak aitzaki hartuta.
Ziguluaren arduradun Patxi Muñoa eta Arima, Rodeo, Adi!, Dena, Occhi di Farfalla eta Giante taldeko musikairak izan ditugu solaskide erreportaje honetan.

MusikaZuzenean TB saioaren 179. atala monografikoa izango da. 'Reggaean Jarrai' disko bildumaz ariko gara luze eta zabal, Euskal folklore jamaikarra ardatz duen biniloaz. 14 musika talde eta 35 kolektibo aritu dira lanaren sorkuntzan eta euskal kantu tradizionalen moldaketak entzun daitezke reggae erritmoetara ekarriak. Bilboko DDT-n eta Iruñeako Katakrak gunean burutu ditugu elkarrizketetan musika taldeak, argitaletxe eta kolektiboak izan ditugu protagonista, eta guztiekin, Euskal Herriko reggae eta ska mugimenduari bistadizo bat emango diogu.

MusikaZuzenean TB saioaren 177. atalean Saia Goait taldea izango da protagonista nagusia. Mutrikuko bandak 'Miazkatu' diskoa kaleratu berri du, eta entsegu lokalean batu gara taldearekin estudioko bigarren emaitza duten lana ezagutzeko. Hitz Bitan atalera berriz, Kepa gonbidatu dugu Marmol eta Gurs taldeko bateria-jolea. Bere gustuko disko, areto eta musikarien inguruan galdegin diogu laburrean.

Ikusi Musika Zuzenean saio guztiak nahieran.