MusikaZuzenean Telebista saioren 148. atalean Ameba taldea ezagutuko dugu. Rock giroetan datorren banda gaztea da honakoa, eta "Elikatuz" izena darama laukoaren debuteko lanean murgilduko gara. Bigarren erreportajean Oskarbi musika aldizkaria ezagutuko dugu. Iruñerriko zenbait musikazaleek abian jarritako egitasmoa da honakoa, eta musikaren berri modu fidelean ematea dute helburu.
Ikusi Musika Zuzenean saioak nahieran!
Lehen erreportajea grabatzeko Oreretako gaztetxera jo dugu. Bertan eman zituen The Bobby's taldeak bere lehen pausoak, eta bertan egin dugu hitzordua kaleratu berri duten DVD lana ezagutzeko. Hitz Bitan atalera Ander Pikowsky gonbidatu dugu. Musikari bilbotarra Aizkorak Zorroztu taldean ezagutu genuen eta egun, Pikowsky egitasmoan dabil buru belarri.
MusikaZuzenean TB saioaren 146. ataleko erreportaje nagusian Kyxo taldea ezagutuko dugu. "Agoor" izenpean kaleratu duten lanean bibrazio positiboak dira nagusi, rock musika zutabe hartuta, bestelako erritmo eta giroekin nahastuz koktelera koleretsuan. Hitz Bitan atalera, berriz, Jokin Erkoreka gonbidatu dugu, Haxotz talde bizkaitarreko abeslaria.
Ikus itzazu Musika Zuzenean saio guztiak nahieran!
Lehen erreportaje honetan Ibil Bedi talde nafarra ezagutuko dugu. Irunberrin egin dugu hitzordua boskotearekin argitaratu duten "Beltxarga beltza" diskoa barnetik ezagutzeko. Hitz Bitan atala grabatzeko, berriz, Rukula taldeko Oihan Agirretxerekin egin dugu hitzordua. Baterijoleak bere gustuko kantu, areto, eta musikarien berri eman digu laburrean.
MusikaZuzenean saioaren atal berri honetan La Rekba taldea ezagutuko dugu. Txorroskillo taldearen errautsetatik sorturiko hiruko banda gazteta da honakoa, eta dagoeneko badute kalean estudioko lehen grabaketa. Hitz Bitan atalean Mikel Illarramendi ezagutuko du, Rodeo taldeko gitarrajole eta abeslaria. Bere gustuko diskoak, aretoak eta musikariak aipatu dizkigu laburrean.
MusikaZuzenean TB saioaren atal berri honetan GOR diskoetxean barna murgilduko gara. Zigilu nafarrak 30 urte bete berri ditu, eta beraien iragana, oraina eta geroa ezagutzeko aukera izan dugu Mikel, Patxi eta Marinorekin egin dugun hitzorduan.
Ikusi Musika Zuzenean saio guztiak nahieran!
MusikaZuzenean TB saioaren 142. atala Kaserna taldearen elkarrizketarekin abiatuko da. Mister Pongo taldeko errautsetatik sorturiko egitasmoa da honakoa, eta musikalki rock eta hip hop giro dantzagarrietan datoz. Hitz Bitan atalera berriz, Iñigo Telletxea gonbidatu dugu. Borrokan taldeko baxu jotzailea da bera, eta hainbat musika egitasmoetan dabil egun lau sokak astintzen. Bere gustuko disko, areto eta musikarien inguruan aritu zaigu laburrean.
Lehen erreportajea osatzeko Gasteiko alde zaharrera jo dugu, bertan, Konpost taldea ezagutzeko. Erraia zigilupean kaleratu duten lehen diskoa besapean hitzordua egin dugu Bodegon Gorbea ostatuan. Hitz Bitan atalean, berriz, Eñaut Gaztañaga ezagutuko dugu gertutik, Ezpalak eta Grises taldeetako kidea. Bere gustuko disko, areto eta kantuen berri eman digu laburrean.
Punk rock giroetan dator MusikaZuzenean TB saioaren 140. atala. Lehen erreportajean Iheskide taldea ezagutuko dugu argitaratu berri duten "Tinko gurean" diskoa aitzaki. Hitz Bitan atalean berriz Xabi Etxezarreta musikariarekin egin dugu hitzordua,
Azken Sustraiak taldeko gitarra jotzailea.
