MusikaZuzenean telebista saioaren 208. ataleko erreportaje nagusia grabatzeko TOC talde bizkaitarraren entsegu lokalean izan gara. Mungiako laukoteak disko berria kaleratu du, eta lana ezagutzeko hitzordua egin dugu Aitor, Ander, Mikel eta Xabierrekin. Hitz Bitan atalera, berriz, Iban Idigoras gonbidatu dugu, Potemkin, Bizarro eta Letagin taldeko bateria-jotzailea. Bere gustukoen berri eman digu laburrean.