MusikaZuzenean TB saioaren 226. ataleko lehen erreportajea grabatzeko Hernanin izan gara. Erroka taldeko kideekin egin dugu hitzordua kaleratu berri duten disko koloretsua ezagutzeko. Hitz bitan atalera, berriz, Maider Llanos bateria-jotzailea gonbidatu dugu. Brümä eta Peedöh taldeetan astintzen ditu danborrak egun, abiada biziko erritmoak landuz. Bere gustoko areto, kantu eta diskoen inguruan aritu zaigu laburrean.