Union Tutera futbol taldeak ereserki berria estreinatu du. RedOX punk-rock taldeak jarri dio musika Erriberako futbol taldeari, Pablo Gimenez eta Tuterako Gaiteroen laguntzarekin. Bideoklip osoa ikusgai, hemen.

Maiatzak 7rako manifestaziora deitu du Euskalgintzaren Kontseiluak, hainbat bazkiderekin batera, besteak beste, AEK, IKA, Sortzen, Topagunea, Euskal Herrian Euskaraz eta Emun, bai eta Hizkuntz Eskubideen Behatokia ere.

Kontseiluak oso larritzat jo du Nafarroako Parlamentuak PAI programa eredu bihurtzeko hartutako erabakia. “Berdintasunaren kontrako beste eraso bat da” azpimarratu du. Horregatik, Nafarroako Gobernua prestatzen ari den dekretu baztertzailearen eta herritar guztion eskubideen alde Iruñeko kaleak betetzeko manifestaziorako deialdia egin du. Antoniutti Parketik abiatuko da 17:30ean.

Nafarroako Parlamentuak PAI ingelesez ikasteko programa blindatu du; sozialisten eta Navarra Sumaren botoekin. Horrela, ingelesezko irakaskuntza programa D ereduaren pare jarri dute.

Hiruko gobernuaren baitan irekitako arrakalaren erakusle izan zen osteguneko osoko bilkura, Geroa Baik eta Nafarroako Ahal Duguk kontra bozkatu dutelako. Modu bertsuan egin zuten Izquierda-Ezkerra (I-E) eta EH Bilduk ere.

Maria Solana Geroa Baiko parlamentaria eta aurreko legealdiko Hezkuntza kontseilariak gogor salatu du aurrera eraman izana PAI legea. Proposamen bat izatetik Foru Legea izatera heldu da, eta hori "oso grabea" dela adierazi du. Izan ere, hiruko gobernua eratuta dagoela gogoratu du parlamentariak.

Arauari dagokionean, PAIren jatorria Barcinaren gobernuak duela hamar urte sortutakoa dela azaldu du D eredua "oztopatzeko" modu gisara. Horren aurrean, urteetan zehar horren aurka egiten saiatu direla nabarmendu du. Ordea, aurrera atera da, eta lege berriaren segurtasun juridiko ezari buruz ohartarazi du. Navarra Sumaren "hiru zuzenketa larri" hartzen du legeak Solanaren hitzetan. Honen aurrean, Nafarroako Kontseiluari azterketa egin dezala eskatu dio Geroa Baik.

‘Zuti gitezen berriz!’ lemapean jendetza batu da Baigorriko herrian, Nafarroaren Egunean. Desfileak, dantzariak, basaldunak, txistulariak… giro ezin ederrez busti da Baigorri bi urteko etenaren ondoren. Nafarroaren Eguna 1979an antolatu zen lehen aldiz. Ordutik sekula ez du hutsik egin Covid-19a iritsi arte. Horregatik, ‘Zuti gitezen berriz!’ leloarekin, Nafarroaren Egunaren itzulera islatu nahi izan da.

Dozenaka haur eta nerabek euskararen alde egin dute lasterka Korrika Txikian.

Lesboseko uhartean harrapatuta dauden errefuxiatuen aldeko kontzertu solidarioa aurkeztu du Zaporeakek. Elkartasun jaialdia otsailaren 18an egingo dute, Zentral aretoan Bandada eta Muxutrock Rock & Bihotz taldeen partaidetzarekin. Kontzertua 20.00etan hasiko da eta sarrerak 10 euroren truke eros daitezke Zentralen webgunean.
Bildutako diru guztia Zaporeak proiektura bideratuko da, Lesboseko pertsona errefuxiatuei laguntzeko.

Urriaren 23tik azaroaren 11ra arte nafar produktuez osatutako saskiak izango dira salgai, Errigoraren euskarari puzka kanpainaren baitan. Hiru saski mota egongo dira erosleen eskura: saski beltza, Errigoraren klasikoa (55€), saski berdea, ekologikoa (65€), eta saski zuria (75€), berezia. Horiek eskatu edo erosteko, 700 salmenta-puntu izango dira Euskal Herriko herri ugaritako taberna, denda, ikastola, udaletxe zein euskaltegietan.

Euskaraz bizitzeko aldarriak beteta, giro paregabea izan zen larunbatean, urriaren 23an, Tuteran, Errigoraren Agerraldia ekimenean antolatutako kontzertuetan.

Nafarroako jendarte zibileko hainbat ordezkarik aurkeztu dute dinamika. Foru Amejoramenduaren 40 urteko ibilbidearen mugarri ezarri dute eztabaida sustatzeko asmoz.
Nafarroaren autogobernu galerarekin kezkatuta, “arrazoi guzti horiek tarteko, bada garaia Nafarroa demokratikoago eta sozialago baten norabidean pausoak emateko, eskubide eta askatasun gehiago izango dituen Nafarroa baterantz” nabarmendu du Maitane Eraso Lizarrako herritarrak.
“Demokrazia, eskubide eta askatasun gehiago” manifestua argitaratu dute na21.org webgunean.