Skip to main content

Albisteak

Irujo, 2014ko erregea

2014-12-16

Urteko hiru txapel handiak janztea lortu du Juan Martinez de Irujok, 4 eta erdiko finalean Olaizola II.a 22-17 menderatuta. Historian zehar, Julian Retegi eta Irujo bera dira urte berean hiru txapel preziatuenak janztea lortu duten pilotari bakarrak. Iberoarrak, ordea, hizki larriz idatzi du bere izena pilotaren historian, lehena baita hirukoa (Binakakoa, Buruz-burukoa eta Lau eta erdikoa urte berean irabaztea) bi urte ezberdinetan lortzen. 2006an egin zuen lehen hirukoa, eta aurten bigarrena. Bizkaia pilotalekuan jokatutako finalean Aimar baino gehiago izan da Irujo, eta merezita irabazi du txapelketa.

"Suturak. Cerca a lo próximo" erakusketa, San Telmo Museoko izarra

2014-11-25

Urtarrilaren 25era arte egongo da zabalik San Telmo Museoan Suturak. Cerca a lo próximo erakusketa. Euskal Herriko garai ezberdinetako 50etik gora artistak egindako lanak daude ikusgai eta Euskal Herriaren azken hamarkadetako gertakariak dira protagonistak.

Arrietako San Martin azoka ate joka dugu

2014-11-06

Jaiegun seinalatua izan da azaroaren 11a euskal tradizioan; San Martin eguna. Izan ere, txerria hiltzeko egun aproposa zen baserritarrentzat. Negu latzari aurre egiteko laguntza paregabea eskaintzen zuten txerrikiak prestatzen hasteko egun egokia. Arrieta herri nekazaria izanik bertan ere San Martin eguna garrantzitsua da oso eta jai handia ospatzen dute.

Igandean azoka izango duzue Arrietan

2014-10-31

Leihotik begiratu eta ematen ez badu ere udazkenean buru belarri sartuta gaude eta badakigu garai hau azoka ospetsuen garaia dela. Arrietako San Martin azoka handia azaroaren 9an egingo dute Bizkaiko herrian baina hori heldu aurretik eta giroa berotzen joateko, asteburu honetan hileko lehenengo domeketako azoka topatuko duzue Bizkaiko herrian.

Eako poesia egunak uztailaren 11tik 13ra ospatuko dira

2014-06-27

Uztailaren 11tik 13ra Bizkaiko Ea herrian Poesia egunak ospatuko dira, 2004ean ekin zioten auzolanean poesia egunak antolatzen  urte luze hauetan marka proipia duten jardunaldiak dira. Herri txikia izanik ezagugarri berezia daute jardunaldiok, idazleen eta herritarren arteko harremana sustatzen da, eta literaturaren eta, oro har, artearen gainerako adierazpideak baztertzen ez dituen arren, poesia lehenesten du. Bizia eta irekia da literatura ikuspegitik.

Aitziber Sagarminaga presoa aske utzi dute fidantzapean

2014-06-26

Euskal Preso Politikoen Kolektiboaren Bitartekarien kontra urtarrilaren 9an egindako operazioan atxilotu zuten Aitziber Sagarminaga, hainbat abokaturekin batera, eta, orain, kalera ateratzeko aukera eman dio epaileak. Haurdun dago, eta ez zaio asko falta erditzeko. 25.000 euroko bermea jarri dio epaileak espetxetik ateratzeko.