Skip to main content

Albisteak

LABek lantokietan homofobiari aurre egiteko gida kaleratu du

2014-06-24

Ekainaren 28aren atarian, alegia, Askatasun Sexualaren Aldeko Nazioarteko Egunaren atarian, LAB sindikatuak lantokietan sexu edo genero aukeragatik ematen den diskriminazioan jarri du fokoa. Horrela lesbiana, gay, transexual zein intersexualen eskubideak lantokietan bermatuak dauden ala ez jakiteko azterketa egin ostean, hori lortzeko lagungarria izango den gida kaleratu du. LABek ekintza sindikalaren bidez enpresetara eramango dituen aldarrikapen eta proposamenak jasotzen dira aipatutako gidan.

 

Bilboko Aste Nagusiko kartela aukeratzeko unea heldu da

2014-06-23

Gaur aurkeztu dituzte 2014ko Aste Nagusiko sei kartel finalisten izenak. Marijaiak, Abrazos a la fiesta, Danok gara Aste Nagusia, La puerta de Bilbao eta Danok bat dira horien izenak. Orain herritarren txanda da, uztailaren 2ra arte botoa emateko aukera izango baitute. Bilboko turismo bulegoan edota www.bilbao.net webgunean eta  www.facebook.com/bilbaofestak helbidean eman ahalko dute euren iritzia. Hamaika telebistaren webgunearen ere egongo da aukera, ekimenarekin bat egin duelako.

Donostiako Piratek Edozer Dugu Posible eguna antolatu dute uztailaren 9rako

2014-06-23

Manu Chaoren kontzertua izango da Donostiako Piratek antolatu duten Edozer Dugu Posible egunaren egitarauko ekimen erakargarriena, baina ez bakarra. Uztailaren 9a, asteazkena, jai herrikoien aldeko eguna izango da Donostian, eta egun osoko egitaraua antolatu dute Piratek, adin guztietako herritarrei zuzendua.

EH Bilduk Donostiara aldaketa ekarri duela nabarmendu du Juan Karlos Izagirre alkateak

2014-06-23

Kurtso politikoaren amaierarekin, Juan Karlos Izagirre alkateak eta udal gobernuak balorazioa egin dute. Aldaketa izan da gehien nabarmendu duten hitza. Politika ekonomikoa aldatu eta herritarren parte hartzeari ateak zabaldu dizkiotela esan du Izagirrek. Baita Donostia bakegintzan erreferente bilakatu dela ere.

Foro Sozialean esan dute Espainiako Gobernuaren jarrera aldaraz daitekela

2014-06-23

Bilbo eta Iruñean egindako Foro Sozialean gai bakarra izan dute eztabaidaren oinarrian, konponbiderako bidean presoen parte hartzea eta haien etxeratzea. Adituek nabarmendu dute Espainiako Gobernuak ez duela konponbidea errazteko borondaterik, baina aldaraz daitekela. Horrez gain, Brian Currin hegoafrikar abokatuak bultza egiteko deia luzatu die herritarrei.

 

Ekainaren 30ean bukatuko da berrordainketa orekatzeko dirua eskatzeko epea

2014-06-20

Ekainaren 30ean bukatuko da urte hasieran Eusko Jaurlaritzak berrordainketa orekatzeko iragarritako diru-laguntza eskatzeko epea. Aurreikusi zutenez 500.000 pertsonek eskatu behar zuten diru hori, baina momentuz 71.000 pertsonek baino ez dute eskatu. Eta horixe da hain zuzen ere, Pentsionistak Martxan elkarteak salatu duena, informazioa ez dela ondo bideratu eta gainera egin beharreko bide burokratikoa konplexuegia dela.

 
bannerra