Skip to main content

Albisteak

Fiskaltzak helegitea jarri du Egunkariaren auzi ekonomikoan

2014-06-17

Fiskaltzak helegitea jarri du Egunkaria-ko auzi ekonomikoa ixtearen aurka. Ekainaren 4an auzia artxibatuko zela esan zuen Donostiako Zigor Auzitegiko epaileak. Zortzi auzipetuei 1998-2001 artean diru laguntza publikoen iruzurra egitea egozten die. Defentsak Fiskaltzaren helegitea inpugnatzeko aukera izango du, eta auzitegiak orduan erabakiko du inpugnazioa ala errekurtsoa onartu.

 

 

 

Etxeko grabazio gordina eta estudioko soinua dakarte Belako taldearen lan berriek

2014-06-17

Belako talde mungiarra Donostian izan da bere lan berriak aurkezten. Bi EP-rekin datoz oraingoan. Batetik, 'AAAA!!!!' lanak taldearen aurpegirik gordinena eskaintzen du. Etxean bertan grabatu dute. Bestetik, 'Bele beltzak baino ez' deiturikoa, estudiotik atera dute. Lan hauek kaleratzeko Belako Records sortu dute, autogestioaren aldeko apustua egin eta euren kantekin eurek nahi dutena egiteko. Hasi dute dagoeneko kontzertu bira eta gogotsu azaldu dira eszenatoki handi zein txikietan lotuta dituzten emanaldietan jotzeko.

Ibon Iparragirre preso gaixoa erasotu dute eta bakartuta daukate

2014-06-17

Ibon Iparragirre Ondarroako presoa erasotu dute Navalcarnedoko espetxean eta bakartuta daukate. Martxoaren 7an atxilotu zuten bere etxean espetxealdia betetzen ari zela. HIESA du eta bere osasun egoerak nabarmen egin du okerrera azken hilabete hauetan. Duela hiru aste, Angelita Burgoa presoaren amak Hamaika Telebistari kontatu zion, Navalcarnedoko espetxetik bertatik deitu zietela espetxeak bere gaixotasuna tratatzeko baliabiderik ez zuela esanez.

Gizarteari iruzur egin izana leporatu die EH Bilduk EAJ, PP eta PSE-EEri

2014-06-17

Kutxabanken pribatizazio prozesua dela-eta, gizarteari iruzur politiko eta soziala egin izana leporatu die EH Bilduk EAJ, PP eta PSE-EEri. Kutxabank pribatizatzeko negoziazioak ezkutuan egin izana ere leporatu die, eta gezurra dela pribatizazioa beste aukerarik ez dagoenik. Gehiengo sindikalak eta hainbat eragilek deituta, Kutxabanken pribatizazioaren aurkako manifestazioa egingo dute Bilbon datorren larunbatean.

Grebalari gazteen espetxeratzea salatzeko mobilizazioak iragarri dituzte

2014-06-17

Jon Telletxea eta Urtzi Martinez grebalari gazteen berehalako espetxeratzea salatzeko mobilizazioak iragarri ditu Grebalariak aske plataformak. Ekainaren 25ean, 19:30ean, Bilbo mailako manifestazioa egingo dute Jesusen Bihotza plazatik abiatuta. Horrez gain, ostegun honetan Bilboko Arangoiti auzoan elkarretaratzea egingo dute 20:00etan. Bina urte eta erdiko kartzela zigorra ezarri diete.

Kontuz elkartea pozik azaldu da Nafarroako Kutxaren auzia Iruñera itzuliko delako

2014-06-16

Gertatutakoaren kaltetu handienak nafarrak direnez, zentzuduna iruditzen zaio Kontuz plataformari Nafarroako Kutxaren auziaren ikerketa Iruñean egitea.

 
bannerra