Skip to main content
bannerra

Albisteak

Frankismoan fusilatu zituztenen omenezko eskultura jarriko dute Donostian

2014-01-27

Gaur aurkeztu dute Donostiako Udalean Dual izeneko lana, altxaldi frankistan eta ondorengo urteetan fusilatuak izan ziren donostiarrak oroitu eta omenduko dituen eskultura. Amaia Mateos eta Tomas Villanuevak egin dute eskultura, eta martxoaren amaiera aldera jarriko dute Goikoa Jauregiaren aurrean.

PSE-EEk abortuaren lege berria bertan behera uzteko eskatu dio PPri

2014-01-27

Sozialista euskaldunek  Espainiako Gobernuak abortuaren legean egin nahi duen aldaketa gogor kritikatu dute. Emakumeen eskubideen aurkakoa dela eta hauen osasunaren kalterako izango dela esan dute. Horregatik, Batzar Nagusietan bilera monografiko bat eskatzearekin batera, Madrilen larunbatean egingo den manifestazioan izango direla iragarri dute. Bestalde, PPk jakinarazi du Europako haustekundeak igaro arte ez duela indarrean jarriko lege berria.

Kimioterapiaren prestakuntzan lagunduko duen robota aurkeztu dute

2014-01-24

Kimioterapiaren prestakuntza konplexua izaten da, gaixo bakoitzera egokitu behar dutelako. Horretan lagunduko duen robota aurkeztu dute gaur Donostiako Onkologikoan. Kiro Oncology izena jarri diote, eta egun ospitale horretako gaixoen %20arekin erabiltzen badute ere, etorkizunean ia guztiekin erabiltzera helduko direla ziurtatu dute.

Langabeziak behera egin du Hego Euskal Herrian

2014-01-23

Espainiako Estatistika Institutuak argitaratutako biztanleria aktiboaren azken emaitzen arabera, langabeziak behera egin du 2013an Hego Euskal Herrian. Zehazki, iazko urte amaieran 2012koan baino 6900 langile gutxiago zeuden lanik gabe.

Larunbatean Bertso Eguna izango da Donostian

2014-01-22

Bertso Egunak berrogeita bosgarren edizioa ospatuko du datorren larunbatean Donostian. Ohi bezala, egun osoko ekitaldia antolatu dute Donostiako Udalak eta Euskal Herriko Bertsozale Elkarteak. Aurten, Azalera lelopean, generoa izango da Bertso Egunaren gain nagusia.

Gorantz goaz, GO GO! lelopean egingo da Euskal Eskola publikoen jaia

2014-01-22

Trenez heldu dira Balmasedako Mendia ikastolako umeak Bilbora. Pozik eta kantari jaitsi dira trenetik euren herrian ospatuko den Euskal Eskola publikoen jaia aurkezteko prest. Ekainaren 1ean egingo dute Euskal Eskola Publikoaren aldeko festa "Gorantz goaz, GO GO!" lelopean. Lelo honekin sistema publikoa gorantz gogoz doala irudikatu nahi dute. Baita Balmasedan euskararen erabilera indartuz doala ere.

 
bannerra

bannerra