Skip to main content

Albisteak

Bizkaiko metalean 4.391 enplegu suntsituko direla salatu du LAB sindikatuak

2014-06-25

Bizkaiko metalgintzako patronalak egindako azken proposamenak 4.391 lanpostu suntsituko dituela salatu du gaur LAB sindikatuak, Metaleko Lantegien Bizkaiko Federazioak Bilbon duen egoitzaren aurrean. Besteak beste, patronalak prosposatzen dituen neurrien bidez, langile bakoitzaren malgutasuna 250 ordutara luzatu nahi dutela kritikatu du Natale Landa LAB sindikatuko metagintzako ordezkariak.

Prebarikazioa egotzi die EH Bilduk Adif-i eta Espainiako Sustapen Ministerioari

2014-06-25

AHTarentzat eraikitako zubi bat inoiz erabiliko ez zela jakin arren, Adif eta Espainiako Sustapen Ministerioak hau eraikitzeko 11 milioi euro bideratu zituela salatu du EH Bilduk. Bizkaiko Auzitegian jarri dute salaketa eta "prebarikazioa eta funtsak bidegabe erabiltzea" leporatu die.  

Donostiako Aste Nagusiko kartela eta kontzertuak aurkeztu dituzte

2014-06-24

Donostiako Aste Nagusirako hilabete eta erdi gelditzen denean, kartela aurkeztu eta Sagueseko kontzertuen berri eman dute. Besteak beste, Ze Esatek, La Pegatina, We Are Standard, Urtz, Soziedad Alkoholika, Duncan Dhu eta Jah9 arituko dira. Horrekin batera, Su Artifizialen Lehiaketako, Euskal Jaietako eta Estropadetako kartelak ere aurkeztu dituzte.

LABek lantokietan homofobiari aurre egiteko gida kaleratu du

2014-06-24

Ekainaren 28aren atarian, alegia, Askatasun Sexualaren Aldeko Nazioarteko Egunaren atarian, LAB sindikatuak lantokietan sexu edo genero aukeragatik ematen den diskriminazioan jarri du fokoa. Horrela lesbiana, gay, transexual zein intersexualen eskubideak lantokietan bermatuak dauden ala ez jakiteko azterketa egin ostean, hori lortzeko lagungarria izango den gida kaleratu du. LABek ekintza sindikalaren bidez enpresetara eramango dituen aldarrikapen eta proposamenak jasotzen dira aipatutako gidan.

 

Bilboko Aste Nagusiko kartela aukeratzeko unea heldu da

2014-06-23

Gaur aurkeztu dituzte 2014ko Aste Nagusiko sei kartel finalisten izenak. Marijaiak, Abrazos a la fiesta, Danok gara Aste Nagusia, La puerta de Bilbao eta Danok bat dira horien izenak. Orain herritarren txanda da, uztailaren 2ra arte botoa emateko aukera izango baitute. Bilboko turismo bulegoan edota www.bilbao.net webgunean eta  www.facebook.com/bilbaofestak helbidean eman ahalko dute euren iritzia. Hamaika telebistaren webgunearen ere egongo da aukera, ekimenarekin bat egin duelako.

Donostiako Piratek Edozer Dugu Posible eguna antolatu dute uztailaren 9rako

2014-06-23

Manu Chaoren kontzertua izango da Donostiako Piratek antolatu duten Edozer Dugu Posible egunaren egitarauko ekimen erakargarriena, baina ez bakarra. Uztailaren 9a, asteazkena, jai herrikoien aldeko eguna izango da Donostian, eta egun osoko egitaraua antolatu dute Piratek, adin guztietako herritarrei zuzendua.

 
bannerra

bannerra