Skip to main content
bannerra

Albisteak

Lurraldea eta hizkuntzaren arteko harremana landuko dute Donostian

2014-01-15

Bihar eta etzi "Lurraldea eta Hizkuntza" izeneko jardunaldiak egingo dira Donostian. Gipuzkoako Aldundiak, Kontseiluak, UEMAk eta UEUk antolatuta, lurralde antolamenduak euskal hiztunengan nola eragiten duen aztertuko dute. Horretarako, bertako kasuak ezagutzearekin batera, atzerriko esperientziak bilduko dituzte.

Bizkaiak 13 milioi euro baino gehiago inbertituko ditu enpresa berrien sorreran

2014-01-15

Bizkaiko Foru Aldundiak 13 milioi euro baino gehiago inbertituko ditu aurten enpresa ekimen berrien sorreran. Imanol Pradales Bizkaiko Sustapen Ekonomikoko diputatuak ezagutzera eman ditu gaur enpresa berriak sortzeko hartuko dituen neurriak. 2014rako berrikuntza nagusien artean Bizkaiko Teknologia Parkean sortuko duten enpresen haztegi berri bat azpimarratu du.

Euskal Pirinioetan tokiko garapenerako egitasmo bat jarri du martxan Udalbiltzak

2014-01-14

Udalbiltzaren Garapen eta Kohesio Fondoak Euskal Pirinioen baitan lehenetsitako zonaldea hautatu du garapen ekonomiko eta sozialerako egitasmo bat abiatzeko, bertako instituzio, eragile eta herritarrekin hitz egin ondoren. Nafarroako Garaiko, Baxenafarroako eta Zuberoako 103 udalerri hartuko ditu aipatu proiektuak, eta bost laguntza programa jarriko dituzte abian. “Eragin”, “Elgarrekin” eta “Garapen soziala” programak astelehenean jarri zituzten abian, deialdi publiko bidez. “Nazio auzolanerako deiadarra” eta “Pirinioak sendotzen”, berriz, hurrengo hilabeteetan jarriko dituzte martxan. .

Tantaz Tantaren biharko mobilizazioa debekatu du Velasco epaileak

2014-01-10

Tantaz Tantaren biharko mobilizazioa debekatu du Velasco epaileak Herrira-ren oinordekoa dela argudiatuta. Tantaz Tantako lantaldeak bere aldetik twitterren iragarri du, behin-betiko erabakia hartu bitartean, deialdiari eutsiko diotela .

PSE-EEk ez du babesten Donostiako udal taldeak atxiloketak gaitzetsi izana

2014-01-10

Idoia Mendiak baieztatu duenez, PSE-EE alderdiak ez du babesten Donostiako udal taldeak asteazkeneko atxiloketak gaitzetsi izana. Gainera, Barne Ministerioak atxiloketa gauzatu baino lehenago haren berri ematea "justifikatu ezinezkoa" dela esan du Mendiak, ikerketa bera arriskuan jarri zuela argudiatuz.

Atxilotuak askatzeko eskatu dute hainbat eragile politiko, sozial eta sindikalek Bilbon

2014-01-10

EPPKren bitartekaritza taldeko kideen kontrako polizia operazioa salatzeko agerraldia egin dute gaur Bilbon hainbat eragile politiko, sozial eta sindikalek "konponbideari erasorik ez" lelopean. Presoen eskubideak errespetatzeko eta atxilotuak askatzeko eskatu dute. Era berean Espainiako Gobernuak bake prozesua geldiarazteko antolatutako estrategiaren adierazgarritzat jo dute operazio hau.

 
bannerra

bannerra