Skip to main content

Albisteak

Martxoaren 29an ospatuko da BreakOnStage jaialdiaren 14. edizioa

2014-03-17

BreakOnStage kultura urbanoaren jaialdia ospatuko da martxoaren 29an Bilbao Arenan. Adierazpen artistiko ugari bilduko dituen jaialdi honetan, besteak beste, The Ruggeds, Inesteam, Rst Crew, Poe One, Vocaliks eta Rayden hip hop taldeak arituko dira. Bi orduz iraupen laburreko 20 ikuskizun taularatuko dira.

Gipuzkoako Kultur Ondare higigarrien zentroak herritarrei ateak irekiko dizkie

2014-03-17

Irungo Gordailuak, Gipuzkoako Kultur Ondare higigarrien zentroak, 36.000 pieza baino gehiago jasotzen ditu. Gipuzkoako ondarearen ibilbide sozial, historiko eta kulturalaren bilketa zentroa da. Aurten, hori guzti hori herritarren esku jarri nahi dute eta horretarako ibilbide interaktiboak eta hitzaldiak antolatu dituzte.

Donostiarrak bosgarren edukiontzia erabiltzen hasiko dira

2014-03-17

Groseko bizilagunak edukiontzi organikoa erabiltzen hasiko dira gaur eta dagoeneko txartelak dauzkate etxean. Sistema berria Gros eta Amara auzoetan probatu eta egokitu ostean, hiriko beste auzo guztietan ezarriko dute. Prozesua lau fasetan egingo dute, eta guztira, 450 edukiontzi jarriko dituzte. Gainera, honen erabiltzaileek zabor tasetan deskontuak jasoko dituzte.

Epeleko konpostatze planta eraikitzeko prest dago

2014-03-14

Bergaran dagoen Epeleko konpostatze planta 2015eko urtarrilean martxan egongo da. Bertako lurrak prestatu ostean, obrak hasiko dira. Honi esker, Lapatxeko plantarekin batera, Gipuzkoako bio-hondakin guztia tratatuko da. Bertan eraikiko den transferentzi estazioak, aldiz, Debagoieneko hondakinak gaika bildu eta dagokion tratamendura bideratuko ditu. "Gipuzkoako Konposta" kalitate gorenekoa izango denez, nekazaritza ekologikoan erabili ahal izango da.

Bilbotik ezkerraldera abiatu da probrezia eta prekarietatearen kontrako martxa

2014-03-14

Egun hauetan pobreziaren amaieraren aldeko martxa Euskal Herrian barrena dabil. Gaur, Bilbotik ezkerraldera abiatu da. BBVA bankuaren egoitzan hasi dute ibilbidea eta bertan bankuen politiken kontrako aldarria entzun da. BBVAk 2013an 2.228 milioi euro irabazi zituela eta Kutxabank-ek 108 miloi kritikatu dute. Hala ere, martxoan 28 familia etxetik kaleratu dituztela salatu dute.

Bosgarren edukiontziaren eta atez atekoaren emaitzak antzekotzat jo ditu Itxasok

2014-03-14

San Marko Mankomunitatea osatzen duten hamar udalerrietako biztanle bakoitzak 382,5 kilo hondakin sortu zituen 2013 urtean. Sortutako zabor horren %36 gaika jaso zen, Denis Itxaso mankomunitateko lehendakariak aurkeztutako datuen arabera. Pozik azaldu da Itxaso, eta atez ateko sistemaren eta bosgarren edukiontziaren emaitzak antzekoak direla adierazi du. Bestalde, Inazio Azkarragaurizar Debagoiena Mankomunitateko lehendakariak ziurtzat eman du 2017an %84ko gaikako bilketara iritsiko direla.

 
bannerra

bannerra