Skip to main content

Albisteak

Parketarrak, parkean ere euskaraz jolasteko ekimena berriz ere martxan da

2014-04-02

Donostiako Udalak, auzoetako euskara batzordeekin batera Parketarrak egitasmoa jarri du berriz ere martxan. Bertan, Urtxintxa Aisialdi Eskolako begiraleak haurrekin zein hauen arduradunekin euskaraz jolasean aritzen dira. Jolasak irakatsi eta aurrerantzean ere parke zein kaleetan euskaraz aritzea da helburua. 2012an ekin zioten dinamikari Martutenen eta aurten 8 auzotara zabaldu dute. Martxoa eta apirileko txandaren ostean etorriko dira maiatzekoa eta urrikoa.

Mikel Laboaren ibilbidea sarituko dute Adarra Sarietan

2014-04-01

Donostiako Udaleko ordezkarien iritziz haren sormena, lana, eta nortasuna bete-betean sartzen dira sari honen "irabazle idealarentzat" zehaztutako ezaugarrietan. Haren ahots bereziak, nortasun propioak, letra sakonek, eta esperimentaziorako zuen joerak "mito" bilakatu dutela nabarmendu dute.

Ekainaren 8ra bitarteko bidea abian da

2014-03-31

Gure Esku Dago ekimenak abian jarri du ekainaren 8ra bitarteko bidea. Pasa den larunbatean, ekitaldi jendetsua egin zuten Bilboko Casilla kiroldegian. Aurretik, ordea, Durango eta Iruñea lotu nahi dituen giza katearen saiakera moduko bat egin zuten. Casillako ekitaldia bizia bezain arina izan zen. Askotariko elementuak batu zituen. Musika, umorea, festa eta bereziki mezua. Izan ere, herrietako taldeek hitz egiteko aukera izan zuten. Baita jatorri askotako hainbat lagunek ere. Guztiek, erabakitzeko eskubidearen aldeko aldarria egin zuten.

ELAk soldatak eta enplegua defenditzea helburu duen kanpaina hasi du

2014-03-31

ELA sindikatuaren arabera, Euskal Autonomi Erkidegoa, azken 25 urtetako egoerarik txiroenean aurkitzen da. Hala adierazi du sindikatuak, soldatak eta enpleguari buruzko txostena ezagutzera eman duen agerraldian. Egoerari aurre egin ahal izateko alternatibak ere eman ditu sindikatuak.

Euskara eta kultura bultzatzeko sortu dute Ttalaka.org webgunea

2014-03-31

Ttalaka Kultur Elkarte donostiarrak, ttalaka.org webgunea sortu du euskara eta kultura bultzatzeko intentzioz. Helburua,  Euskal Herri osoan zehar euskaraz egiten diren ekintza kulturalen informazioa ematea izango da, besteak beste. Izan ere, topagune berria sei atalez osatuta egongo da: agenda kulturala, ttalakariak, erreportajeak, blogak, ttalaka eta harremana.

Shopping Eguna ospatuko da bihar Bilbon

2014-03-28

Shopping Egunaren hirugarren edizioan Bilbo erdiguneko eta Zazpi Kaleetako 350 ostalaritza-establezimendu eta saltokik baino gehiagok hartuko dute parte. Horrela, Bizkaiko hiriburuak udaberria inauguratuko du hiri erdiguneko kaleak hainbat ekimenekin betez: moda desfileak, auto klasikoen erakusketa, musika ikuskizunak, antzezlanak eta kirolak besteak beste

 
bannerra

bannerra