Skip to main content

Albisteak

Shopping Eguna ospatuko da bihar Bilbon

2014-03-28

Shopping Egunaren hirugarren edizioan Bilbo erdiguneko eta Zazpi Kaleetako 350 ostalaritza-establezimendu eta saltokik baino gehiagok hartuko dute parte. Horrela, Bizkaiko hiriburuak udaberria inauguratuko du hiri erdiguneko kaleak hainbat ekimenekin betez: moda desfileak, auto klasikoen erakusketa, musika ikuskizunak, antzezlanak eta kirolak besteak beste

Iberdrolak politika energetiko komuna eskatu du Europarentzat

2014-03-28

Iberdrolak aurten Euskadin 80 milioi euro inbertituko ditu. Euskal enpresei produktuak eta zerbitzuak erosten dizkie, 700 milioi euroren truke eta Bizkaiko ogasunari "txeke fiskal" zuzena ordaintzen dio, lurraldean biltzen duen %10a. Iberdrolaren ekintzen ondorioak salatzeko elkarretaratzeak egin dituzte euskalduna jauregiaren atean. Bertan izan dira Tecuni enpresako langileak eta Iberdrolako azpikontratak jasaten ari diren erea salatu dute. Bestetik Garoñaren itxiera, energia zikina izatea, zuzendaritzaren soldata erraldoiak, lan baldintza txiroak, tarifa-igoera, , energia monopolioa, ustelkeria, saiheste fiskala edota berriztagarrien etsaia izatea leporatu diete.

Gipuzkoarrek ehuneko 40 birziklatzen dute

2014-03-28

Gipuzkoako Foru Aldundiak iazko hondakinen birziklatze datuak aurkeztu ditu. Nabarmen egin du gora birziklatze tasak: egun gipuzkoarrek %40 birziklatzen dute. Aipagarriena hondakin organikoak izandako igoera izan da: 8.327 tonatik 14.170ra. Birziklapen tasa hauekin Zubietako erraustegiak zentzurik ez lukeela berretsi dute. Urtean 260 tona hondakin beharko lituzke eta egun 190 tona isurtzen dira zabortegietara. Amaitzeko, Errazkinek polemika antzuak alde batera uzteko eskatu du eta herritarrak zoriondu ditu.

Brett Baileyk idatzi du Antzerkiaren Nazioarteko eguneko mezua

2014-03-27

Urtero bezala, martxoaren 27arekin Antzerki eguna ospatzen da mundu osoan. Eta urtero, munduko antzerkigile batek manifestu bat idazten du egun honetarako. Hegoafrikako Brett Baley antzerkigileak idatzi du manifestua. Munduko hainbat hizkuntzatara egokitutako manifestu honetan, egun gizarteak bizi duen egoera larria salatzen du Baleyk, eta antzoki eta eszenatokietako artisten aldetik konpromisorako aldarria egiten du.

Kristau Eskolen grebak jarraipen handia izan du sindikatuen arabera

2014-03-26

Mobilizazioek aurrera jarraituko dute, Kristau Eskoletako murrizketak salatu eta Lan Hitzarmenaren aplikazioa eskatzeko. Horrela adierazi dute sindikatuek. Orain arteko grebak jarraipen zabala izan du, deitzaileen arabera.

Gure Nahia elkarteak Kirol Talde Soziala aurkeztu du

2014-03-26

Gure Nahia Elkartasuna, gaixotasun arraroen alde egiten duen elkartea duela bi urte sortu zen. Orain, ordea, Kirol Elkarte Soziala sortzea erabaki dute. Iniziatibaren helburua, gaixo dauden haurrei eta haien familiei laguntza ematea da, haiengan esperantza piztea, eta baita kirola egiten ari diren bitartean haien arazoez ahazten laguntzea ere.

 
bannerra

bannerra