Skip to main content

Albisteak

Europako artisten sarea martxan da

2014-05-06

Donostia 2016ek eta Etxepare Institutuak haien nahia bete ahal izan dute azkenik. Abenduan ereindako proiektuaren lehen fruituak jaso ahal izango dituzte hurrengo hilabeteetan. Europako artisten sarea sortzea zuten helburu eta dagoeneko badituzte lehenen jaurdunaldi honen irabazleak: Matxalen De Pedro, Goiatz Labandibar eta Maialen Sarasua.

Euskal Herriko sistema finantzario publikoaren aldeko giza katea egin dute gaur

2014-05-06

Eragile sozial eta sindikatu ezberdinek euskal erakunde publikoei, alderdi politikoei, gobernuei, legebiltzarrei, foru aldundiei eta udalei sistema finantzario publiko baten alde erabaki politiko eta legegileak har ditzaten eskatu diete. Horretarako Bilboko udaletxetik Kutxabanken egoitzaraino giza katea egin dute.

Langabeziak behera egin du apirilean martxoarekiko

2014-05-06

Apirilean behera egin du langabe kopuruak Hego Euskal Herrian, martxo amaierako datuekin alderatuta. Bizkaian ez beste herrialdeetan egin du behera langabezia tasak. Guztira, 228.818 lagun daude langabezian Hego Euskal Herrian, martxoan baino 1.756 gutxiago.

Irujo eta Barriola, nagusi

2014-05-05

Merezimendu osoz jantzi zuten Binakako Txapelketa Nagusiko txapela atzo Irujok eta Barriolak Bizkaia pilotalekuan. 22-13 hartu zituzten mendean Olaizola II eta Aretxabaleta. Aspeko bikotea erabat nagusitu zen finalean, erakustaldia eginez. Bosgarren txapela du Binakakoan Irujok; 35 urterekin, atzo jantzi zuen lehena Barriolak.

Donostiako Udalak "Urtebetez kultura euskaraz" lehiaketa abiatu du

2014-05-05

Otsaileko "Udalean ere euskaraz" kanpainia eta gero, "Urtebetez kultura euskaraz" lehiaketa jarri dute martxan. Helburua, euskaldun izan nahi duten eta euskaraz bizi nahi duten hiritarrei haien nahia asetzeko aukera eskaintzea da. Partehartzeko  Facebook bitartez www.donostia.org webgunean dagoen bideoa elkarbanatu behar da. Eta bestela, Twitter bidez #ereeuskaraz traola sortu dute, jarraitzaileek euskara non eta norekin erabiltzen duten erantzuteko. Saria, urtebetez Donostia kulturak euskaraz antolatzen dituen saio guztietarako bi sarrera izango dira.

Guardia Zibilak Fernando Sota atxilotu du

2014-05-05

Guardia Zibilak Fernando Sota atxilotu du Iruñean. Haren alde egindako manfiestazioaren amaieran izan da. Apirilean Auzitegi Nazionalak bere kontrako atxilotze agindua eman zuen eta tafallarrak ezkutzatzea erabaki zuen.

 
bannerra

bannerra