Skip to main content

Albisteak

Cirque Mumo taldeak eta Miriam Lujuak jaso dute Harrapazank saria

2016-04-19

Iragan apirilaren 16an ospatu zen Harrapazank ekimenaren senior mailako finala. Oholtzan hamar talde ikusteko aukera izan genuen. Hiru dantzan, sei musika jotzen eta bat antzerkia egiten. Horietatik irabazleak bi izan ziren: Cirque Mumo taldea eta Miriam Lujua abeslaria. Bakoitzak 500 euroko saria jaso zuen. Epaimahaia Zuriñe Hidalgo musikariak, Natxo Montero dantzariak eta Itziar Ituño aktoreak osatu zuten. Guztira 262 gaztek eta 89 taldek parte hartu dute aurtengo edizioan.

Merkataritzan euskararen erabilera normalizatzeko helburua du Biribilko programak

2016-04-06

Bilboko Udalaren Euskara eta Hezkuntza Sailaren, Bilbao Ekintza udal sozietatearen, HABEren, euskaltegien sarearen eta Bilbao Dendak elkartearen arteko lankidetzaren ondorio da Biribilko programa eta merkataritzan euskararen erabilera normalizatzeko helburua du. Aurten 176 izango dira honetan parte hartuko duten ikasleak eta hauek bi ikastaro motatan hartuko dute parte. Lehena euskeraz ez dakiten edo oso gutxi dakitenentzat bideratutako ikastaroa dugu eta bigarrena berriz, ahozko eta idatziko maila hobetu nahi dutenentzat.

Euskararen erabilera bultzatzeko hitzarmena sinatu dute Euskaltzaindiak eta Bilboko udalak

2016-04-06

Euskaltzaindiak eta Bilboko Udalak 2008an sinatu zuten elkarren arteko lehenengo lankidetza hitzarmena. Ordutik, berritzen eta eguneratzen joan dira orduan adostutakoa. Oraingoan, Juan Mari Aburto Bilboko alkateak eta Andres Urrutia euskaltzainburuak sinatu dute agiria. Bilboko Udalak, Hezkuntza eta Euskara Sailaren bidez, 15.750 euro emango dizkio Euskaltzaindiari, euskal literaturaren ikaskuntzan erabiltzeko, Bilbon euskararen erabilera bultzatzeko eta aholkularitza emateko.

Burdinazko harresian karraderan mendi lasterketa

2016-03-10

Martxoaren 12an ospatuko da Burdinazko harresian karraderan mendi lasterketa. Frogaren hirugarren edizio honetan, 32 kilometroko ibilbidea bete beharko dute korrikalariek, 1.520 metroko goranzko desnibelarekin. Lasterketa ez da kirol-proba hutsa izango, izan ere, kirolaren aitzakiapean, historia eta kultura lantzea du helburu.

Leartikerrek antolatuta Biomimetikaren inguruko jardunaldiak izango dira Markinan

2016-03-01

Leartiker eta Azaro Fundazioak Biomimetikaren inguruko jardunaldia antolatuko dute martxoaren 3an. Naturak garatu dituen irtenbide eta estrategiak aztertu eta hauek, ingeniaritza, arkitektura eta diseinua bezalako diziplina teknologikoetan aplikatzea bilatzen du Biomimetikak. Gaian interesa duten guztiek martxoaren 3ko jardunaldiko ateak zabalik izango dituzte. Izena emateko aukera; www.leartiker.com, www.azarofundazioa.com eta 94 616 91 72 telefono zenbakian.

Donostiako autobus geltokia inauguratu dute, azkenean

2016-02-05

Hirugarrenean posible izan da. Donostiak, azkenean, badu bere autobus geltoki berria. Atotxan kokaturiko azpiegitura berriak ateak zabaldu ditu eta otsailaren 6tik aurrera izango da erabilgarri. Agintariekin batera, 44 Dbus linea berrian barneratu gara geltokira. Herritarrek ere, lehen aldiz, azpiegitura barrutik ikusteko aukera izan dute.

 
bannerra

bannerra