Skip to main content

Elkarrizketak

Elkarrizketa | Amets Martinez (Tantaz Tanta)

2014-01-10

Gurean Gaur saioaren elkarrizketa atalean, Amets Martinez Tantaz Tanta ekimeneko ordezkaria izan dugu. Urtarrilaren 11ko mobilizazioa debekatu aurrez hitz egin dugu berarekin, eta nahiz eta gertatu denaren baloraziorik ez eman, azken asteetan egin duten lanari buruz aritu gara berarekin.

Denis Itxaso: "Barne ministroaren hitzekin zalantzan jar daitezke horrelako operazioak"

2014-01-09

Gurean Gaur saioaren elkarrizketa atalean, Denis Itxaso PSE-EEko kidea izan dugu. EPPK-ren bitartekarien atxiloketez, EPPK beraren adierazpenaz, Igeldoren desanexioaz eta abortuaz hitz egin dugu berarekin, besteak beste.

Paul Bilbao: "Euskal Herria arnasgune bilakatu behar dugu"

2014-01-08

Gurean Gaur saioaren elkarrizketa atalean, Paul Bilbao, Euskararen Gizarte Erakundeen Kontseiluko idazkari nagusia izan dugu. Hain zuzen, datorren urtarrilaren 16 eta 17an Donostian egingo den Lurraldea eta Hizkuntza jardunaldien berri eman digu euskararen egoeraren inguruan hausnartzearekin batera.

Ibai Bilbao (Etxerat): "2014a sakabanaketa bukatuko den urtea izango da"

2014-01-07

Gurean Gaur saioaren elkarrizketa atalean, Ibai Bilbao Etxerateko Bizkaiko Koordinatzailea izan dugu. Tantaz Tantaz ekimenaren aurkako salaketa jarrita eta EPPKren agiria mahai gainean, bake prozesuaz eta presoen egoeraz hitz egin dugu berarekin.

Dabid Anaut: "Euskararen etorkizuna bermatzeko iragana ezagutu behar dugu"

2013-12-20

Gurean Gaur saioaren elkarrizketa atalean, Dabid Anaut euskal filologoarekin izan gara. Euskal Memoria Fundazioak kaleratutako "Euskararen kate hautsiak. Hizkuntza zapalkuntzaren memoria" liburua idatzi du berak. Lanaren nondik norakoak ezagutu eta euskararen egoeraz hausnarketa egin dugu.

Patxi Zabaleta: "Gezur batean oinarritutako kanpaina izan da Nafarroako irakaskuntzako ikerketa"

2013-12-19

Gurean Gaur saioaren elkarrizketa atalean, Patxi Zabaleta Aralarreko koordinatzaile nagusia izan dugu. Nafarroako egoera izan dugu oinarri berarekin, baina Euskal Herri osoari begira ere jarri gara, gaurkotasun politikoari behar bezalako errepasoa emateko.

 
bannerra

bannerra