Skip to main content

Politika

Preso eta iheslarien eskubideen aldeko manifestazioa deitu dute ekainaren 14rako Baionan

2014-04-03

"Giza eskubideak, Konponbidea eta Bakea" lelopean, Ipar Euskal Herriko 23 eragilek preso eta iheslarien eskubideen aldeko manifestazioa deitu dute. Ekainaren 14an izango da Baionan. Adierazpena bateratua izan da eta besteak beste Euskal Herrian gatazkaren konponbidearen alde egiten duten herritarrak gero eta gehiago direla nabarmendu dute.

Esatea Libre | Ipar Euskal Herriko bozei begira

2014-04-02

Ipar Euskal Herriko hauteskundeak aztergai izan ditugu aste honetako saioan, baita Gure Esku Dago dinamika ere. Hala, erabakitzeko eskubideaz aritu gara. Hori guztia aztertzeko, EAJko Iñaki Zarraoa, EH Bilduko Niko Moreno eta PSE-EEko Andoni Unzalu izan ditugu gurekin.

Gorka Urtaran: "Gasteizen argi eta garbi EAJ frackingaren aurka dago"

2014-04-01

Gurean Gaur saioaren elkarrizketa atalean, Gorka Urtaran Gasteizko EAJren taldearen bozeramailea izan dugu. Arabako hiriburuko autobus geltokiaren aferarekin batera, gaurkotasun politikoari heldu diogu.

Eguzki Urteaga: “Politika eta mezuak egokitzeko, azterketa soziologikoa egin behar lukete alderdiek”

2014-03-31

Ipar Euskal Herriko zein Frantziako bozen bigarren itzulia izan da asteburu honetan. Gurean Gaur saioaren elkarrizketa atalean, Eguzki Urteaga EHUko irakasle eta soziologoa izan dugu gurekin, emaitzak aztertzeko. Abertzaleen gorakada berretsi da, eta sozialisten gainbehera.

Esatea Libre | Iheslarien sorterriratzeaz

2014-03-26

Euskal Iheslari Politikoen Kolektiboak joan den larunbatean jakinarazi zuen sorterriratzen hasi direla. Erabakia aztergai izan dugu. Horrez gain, Iñaki Azkuna Bilboko alkatearen heriotzaz eta Espainiako Auzitegi Konstituzionalak Kataluniaren subiranotasun aitorpenaren aurka egindako ebazpenaz aritu gara. Solaskideak: Gotzon Hermosilla Berriako kazetaria, Jose Felix Azurmendi kazetaria, Erramun Osa Euskaltzaindiko kidea eta Karmelo Landa EHUko irakaslea.

Pasioak eta kontrako iritziak sortu dituen alkatea izan da Azkuna

2014-03-21

Gaixotasun luze baten ondoren, atzo iluntzean hil zen Iñaki Azkuna Bilboko alkatea. Ez da oharkabean igaro den alkatea izan Azkuna. Pasioak sortu ditu bere ibilbidean baina baita kontrako iritzi eta jarrera ugari ere. Astelehenean egingo dute Iñaki Azkunaren hileta ofiziala Bilboko Santiagoko katedralean.

 
bannerra

bannerra