Skip to main content

Politika

Epaiak argudio juridikorik ez duela dio Itxas Aurrek

2014-02-13

Itxas Aurre plataformak, honen abokatuak eta Herri Kontseiluak agerraldia egin dute Igeldon, EAEko Auzitegiak hartutako erabakiaren aurrean balorazioa egiteko. Oso haserre agertu dira Gipuzkoako Foru Aldundiaren dekretua behin behinean bertan behera utzi dutelako. Juan Landa abokatuak adierazi du epaia hutsala dela, aurreiritzietan oinarritu eta ez duela inongo argudio juridikorik biltzen. Horrenbestez, epaia errekurrituko dutela iragarri du.

Esatea Libre | Bellonen heriotza eta espetxe politika

2014-02-12

Arkaitz Bellon presoaren heriotzak, berriz ere, auzitan jarri du Espainiako Gobernuaren espetxe politika. Bellonen senide, lagun zein konfiantzazko medikuek Elorrioko gazteak kartzelan bizi izandako tratu txarrek bere heriotzean eragin zutela adierazi dute azken egunetan. Horri buruz hitz egiteko, Etxerat elkarteko Ibai Bilbaorekin hitz egin dugu, mahai ingurura jo aurretik. Solaskideak: Aitor de la Villa (EAJko kidea), Gotzon Hermosilla (Berriako kazetaria), Mikel Aizpuru (EHUko irakaslea) eta Iker Bizkarguenaga (Garako kazetaria).

 

Bellonen heriotza eta espetxe politika.

Paxkal Indo Seaskako lehendakaria deklaratzera deitu du poliziak

2014-02-11

Otsailaren 1ean Seaskaren aurkako erasoen kontrako elkarretaratzea egin zuten suprefeturaren aurrean, eta manifestari batzuek arrautzak bota zituzten eraikinera. Elkarretaratzean parte hartu zuen pertsonetako bat ostiralerako deitu dute deklaratzera polizia etxera; astelehenean joan beharko du Indok.

Esatea Libre | Gazte mugimenduaren kontrako epaiketa

2014-02-05

Urriaren 14an hasi eta asteartean amaitu zen Segiko kide izatea egotzita epaitu dituzten 36 gazteren aurkako epaiketa. Horri buruz aritu gara Esatea Libre saioan. Hasteko, Xabier de la Maza gazte auzipetuarekin hitz egin dugu, eta ondoren solasaldia egin dugu. Mahai inguruan izan ditugu, Karmelo Landa EHUko irakaslea, Iñaki Zarraoa EAJko kidea eta Jose Felix Azurmendi kazetaria.

EH Bilduk Bilbon aldaketa sustatzeko prozesu parte hartzailea abiarazi du

2014-02-04

EH Bilduk aldaketa sustatzea xede izango duen prozesu parte hartzailea abiarazi du. Bilbon horren premiazkoa den aldaketarako oinarriak definitu nahi ditu. Diagnostiko berritu bat egin nahi dute. Koalizioaren ustez, Bilboko udalak azken hamarkadan bultzatu duen hiri ereduak goiza jo du eta auzoen behar izanak eta errealitatea ez direla kontutan hartu gogorarazi dute. Prozesua orain hasi eta 2015eko udaberrira arte luzatuko da.

Herrien eta herritarren beharretara egokitutako udal antolaketa aldarrikatu du EH Bilduk

2014-02-03

Espainiako Gobernuak ezarri nahi duen udalen erreformaren legearen inguruan, EH Bilduk herrien eta herritarren beharretara egokitutako udalen antolaketa aldarriaktu du. Udalen autonomia indartu eta hauen beharretara moldatuko diren legeen premia azpimarratu du koalizioak.

 
bannerra

bannerra