Skip to main content

Politika

25 urte igaro dira Espainiak sakabanaketa politika ezarri zuenetik

2014-05-15

Orain dela 25 urte, gaurko egunez, hasi zen Espainiako Estatua dispertsio politika sistematikoki erabiltzen. 25 urte eta biktima ugari. Urteurren anker hori dela eta, Etxerat elkarteak elkarretaratzea egin du Donostian, dispertsio politika behingoz amaitu dadin aldarrikatuz.

EH Bilduk La Razón egunkariaren aurkako salaketa jarriko du

2014-05-14

Pasa den astelehenean La Razón egunkariak honako titularra jarri zuen azalean: "ETA inscribe a EH Bildu como partido para que sea el sucesor de Batasuna". Hori dela eta EH Bilduk egunkari espainiarraren aurkako salaketa jarriko du. Kasu honek zein bestelako hedabideek maiz izaten dizuten gisako jokaerek bi helburu dituztela esan du koalizioak. Batetik, koalizioaren inguruko zalantzak piztea eta bestetik Euskal Herriko normalizazio prozesua zapuztea. Aurrerantzean ere halako jokabideak errepikatuz gero, epaitegietara joko dutela iragarri du EH Bilduk.

Alderdiek Europako hauteskundeetarako kanpaina hasi dute

2014-05-09

Alderdiak datorren maiatzaren 25eko hauteskundeetarako bozak eskatzen hasi dira. Euskal Herriko toki ezberdinetan egin dute hasiera ekitaldia. Euskal abertzaleak, sozialistak eta kontserbadoreak arituko dira lehian eta hiru izango dira gai nagusiak: ekonomia, burujabetza eta bakegintza.

Gaixotasun larriak dituzten presoak askatzeko eskatuko dute Ondarroan

2014-05-06

Maiatzaren 31an, gaixotasun larriak dituzten presoak askatzeko eskatuko dute Ondarroan egingo den manifestazioan. Hainbat sektoreetako norbanakoek larri dauden presoen egoeraz kezkatuta, manifestaziorako deialdia egin dute. Larriki gaixo dauden euskal presoak 11 direla gogorarazi dute, eta  hauen osasun txostenen atzean giza eskubideen urraketa dagoela salatu du Iera Arantzamendi Ondarruko "Iparra galdu barik" plataformako kideak.

Sortuk Bateragune auziko kideen askatasuna eskatu du

2014-05-06

Sortuk Bateragune auzian preso dauden kideen askatasuna eskatu du. Atzo Auzitegi Konstituzionalak hartutako erabakiak inolako argudio juridikorik ez duela eta oinarrizko eskubideak urratzen dituela salatu du. PP eta PSOEren helburua bake prozesua deuseztea dela esan du, bakearen etsaiak direla. Hala ere, honek guztiak euskaldunei dagozkien eskubideen aldeko borroka ez duela geldituko gaineratu du.

Nazionalismoak alde batera utzita Europan ekonomiaz eztabaidatu behar dela uste du PSEk

2014-05-05

Rodolfo Ares PSE-EEko ordezkariak Europako hauteskundeen harira alderdi sozialistak jorratuko dituen ildo nagusiak azaldu ditu Bilbon egindako agerraldian. Bertan baieztatu duenez,  Europako hauteskudeetan ardatza eta eztabaidatu beharrekoa ez da nazionalistek planteatzen dituzten zatiketa eta hausdurak, neurri ekonomiko eta enplegua lortzeko politikak baizik. Horrez gain Europako hauteskunde kanpainak iraun bitarte PSOE alderdiak izango duen agenda aurreratu du Aresek. Ekimenak Donostian hasiko dituzte maiatzaren 10ean.

 

 
bannerra