Skip to main content

Ekonomia

Protesta artean egin du Kutxabankek administrazio kontseiluaren batzarra

2014-05-29

Hainbat eragilek protesta egin dute gaur arratsaldean Donostiako Garibai kaleko Kutxabanken egoitzaren aurrean. Kutxabanken Administrazio Kontseiluak batzarra zuen gaur 16:30ean, eta orduerdi lehenago egin dituzte protestak.

Gipuzkoako 30 familiak salaketa jarri dute Kutxabanken aurka

2014-05-21

Gipuzkoako 30 familiak salaketa jarri dute Kutxabanken aurka, IRPH indizea aplikatzeagatik. Eguerdian jarri dituzte salaketak Donostiako Merkataritza Arloko Epaitegian, eta 14:00etan prentsaurrekoa eman du Gipuzkoako IRPH Stop plataformak.

Gipuzkoako Aldundiak opor fiskalen ardura hartzeko eskatu die Confebask, EAJ eta PPri

2014-05-16

Martin Garitano Gipuzkoako ahaldun nagusiak eta Helena Franco Finantza diputatuak agerraldia egin dute opor fiskalak direla eta jasotako zigorraren balorazioa egiteko. EAJ, PP eta Confebask-ek herritarren aurrean erantzule direla aitortu behar dutela esan dute. Bestalde, urteetan zehar Europari kasorik ez egin eta itzulpenak atzeratzea lotsagarritzat jo dute eta horrek enpresak itzulpenak krisi garaian egitera behar dituela kritikatu dute. Amaitzeko, atzerapena dela eta eurei ardurak eskatzeko eskubiderik ez dagoela esan dute, haiek ez baitzuten gaizki jokatu.

Aldundiek 30 milioi euro ordaindu beharko dituzte opor fiskalengandik

2014-05-13

Europako Justiziak gaur jakinarazi du Luxenburgon hiru foru aldundiek opor fiskalengandik ordaindu beharreko kopurua: 30 milioi euro. Europako Batzordeak eskatutako zigorra baino baxuagoa da. Epaileen ustez, laguntzak berreskuratzeko izan den atzerapenak justifikatzen du zigorra. EH Bildu haserre agertu da eta urteetan garatu den politika fiskal atzerakoi eta eskuindarraren adibide dela esan du. 

Gipuzkoako Aldundiak Ekonomia Batzordea osatzean Jaurlaritzak izandako jarrera salatu du

2014-05-08

Gipuzkoako Foru Aldundia haserre agertu da Eusko Jaurlaritzak Ekonomia Burujabetza Batzordea osatzeko proposamenaren aurrean orainarte izandako jarrerarekin. Otsaileko Finantza Kontseiluan, batzordea osatzeko proposamenari oniritzia eman ondoren hamabost eguneko epean testu bat idaztea adostu zuten eta ez dute honen berririk izan atzo gauerarte. Hori horrela, ekainaren 15erako batzordea eratzeko dei egin dio Jaurlaritzari.

Mutuen lege erreformaren kontra egin dute sindikatuek Lan Osasunaren Nazioarteko Egunean

2014-04-28

Laneko Osasun eta Segurtasunaren Nazioarteko Egunean, Euskal Autonomia Erkidegoko eta Nafarroako sindikatuek elkarretaratzeak egin dituzte, enpresa eta erakundeei lan-istripuak eta gaixotasunak saihesteko neurri “eraginkorrak” eskatzeko. Lanaren Nazioarteko Erakundearen arabera, urtero munduan 2,3 milioi pertsonak pairatzen dituzte lan-istripuak edo gaixotasunak. Goizean Bilboko Esperantza frontoian elkartu dira ELA sindikatuko ordezkariak . Sindikatuaren ustez, administrazioek lan istripuen datuak "ezkutatu" egin nahi izaten dituzte eta iragan urteko datuak "kezkagarriak" direla salatu du.

 
bannerra

bannerra