Skip to main content

Ekonomia

Araba, Bizkaia eta Gipuzkoako ekonomia %10,1 jaitsiko da 2020an, Eusko Jaurlaritzaren aurreikuspenen arabera

2020-09-25
Euskal Aurtonomia Erkidegoko ekonomia %10,1 jaitsiko da aurten, Eusko Jaurlaritzak uda aurretik aurreikusitakoa baino gehiago. Pedro Azpiazu Ekonomia eta Ogasun sailburuak Eusko Jaurlaritzaren aurreikuspen berrien berri eman du gaur, Eustaten urteko bigarren hiruhilekoari buruzko kontu ekonomikoak eta ingurune ekonomikoari buruzko datu berriagoak ezagutu ondoren.
Aurten ez da Nazioarteko Makina-Erremintaren Biurtekorik egingo

2020-09-22
Aurten ez da Nazioarteko Makina-Erremintaren Biurtekorik egingo Bilbao Exhibition Centerren. Antolatzaileek azoka atzeratzea erabaki dute, eta, ondo bidean, 2022ko maiatzaren 30etik ekainaren 3ra egingo dute 31. edizioa. Urte honetan Biurtekorik ez egitea sektoreko enpresentzat erreferente baten galera suposatzen du Joseba Barandiaran ekonomistaren esanetan.
Telelana borondatezkoa izango da, eta langileak berak erabaki ahal izango du lantokira itzultzea

2020-09-22
Espainiako Gobernuko Ministroen Kontseiluak gaur onartuko du telelanari buruzko errege lege-dekretua. Bertan onartuko den testua, Diputatuen Kongresuan berretsi beharko da ondoren. Araudi honen arabera, langile bat telelanean ari dela kontuan hartuko da hiru hilabetean lanaren %30 etxetik egin badu; hau da, gutxienez, bi egun astean.
Garbiñe Aranburu (LAB): “Lan eta Enplegu Saila Madrilgo sukurtsal bat izango da”

2020-09-21
Idoia Mendia lehendakariorde eta Lan eta Enpleguko sailburua LAB sindikatuarekin bildu da.
Niko Cuenca (Ekonomista): “Eztabaida ondokoa da: zerga sistema justuagoa nahi dugu ala ez?"

2020-09-21
Zerga bilketa %16 jaitsi da abuztura arte Euskal Autonomia Erkidegoan. COVID-19aren krisiaren ondorioz zergen ordainketa atzeratu eta jarduera ekonomikoa murriztu delako.
Araba, Bizkaia eta Gipuzkoako ekonomia atzeraldian sartu da

2020-09-18
Covid19ak ekonomia jomugan duela, enpresek egin nahi dituzten kaleratzeen aurrean protestan dihardute ITP eta Tubacexeko langileek. Bateginik, mobilizazio aldi hasi dute ere Osakidetzako langileek eta herritarrek kalitatezko osasun publikoaren eta langileen eskubideen alde. Gainera, EAEko ekonomia atzeraldian dago, bi hiruhilekotan jarraian Barne Produktu Gordinak (BPG) behera egin ostean; izan ere, apiriletik ekainera bitartean % 19,5 egin du behera. Bestaldetik, ekonomia kolpe latza jasaten ari den unean Espainar Estatuko bankurik handiena sortu da, Caixabank eta Bankiaren fusioak argi berdea jaso baitzuen bart.
 
bannerra

bannerra