Skip to main content

Ekologia

Zabortegiak ixteko proposamena txalotu dute Zarautz, Azpeitia eta Beasaingo alkateek

2014-02-28

Gipuzkoako Foru Aldundiak lurraldeko hiru zabortegiak ixteko proposamena aurkeztu ostean, Zarautz, Azpeitia eta Beasaingo alkateek Aldundiaren jarduna txalotu eta Gipuzkoa iraunkorrago baten aldeko aldarrikapena egin dute. Akordio politiko zabal baten beharra azpimarratu dute, eta ulergaitzat joko luketela proposamenak aurrera ez egitea. Gipuzkoa iraunkorrago bat lortzeko bidean konpromezua eskatu dute.

Zubietako plantaren etetea epaitegietara eramango dute San Markos eta Debabarrenak

2014-01-28

San Markos eta Debabarrenako mankomunitateek auzitara eramango dute Zubietako errauste plantaren kontratuen etetea, enpresa esleipendunei ordaindu beharreko 13 milioi euroko kalteordaina berreskuratu eta proiektua berrabiatzeko asmoz. Adierazi dutenez, EAEko Auzitegi Nagusiak eman berri duen epaian Gipuzkoako Hondakinak Kudeatzeko Zentroaren baimenen alde egin izana akuilu izan da errekurtsoak aurkezteko garaian.

Martxoaren 7an egingo da Iruñeko lehendabiziko azoka ekologikoa Geltokin

2020-02-27
Ekomercado izenpean, merkataritza ekologikoa kontsumitzaileen eskura jarriko du Nafarroako Nekazaritza Ekologikoaren kontseiluak. Honekin batera, azokaren aurretiazko Ekotopaguneak antolatuko dituzte.
Gueñesko Glefaran enpresaren jarduera “berehala etetea” aholkatu du CSICen txosten batek

2020-02-19
Era berean, azalean utzi ditu enpresak eta Jaurlaritzak ingurumen baimenarekin eginiko arau hausteak.
Erantzukizunak eskatu dituzte herritarrek Zaldibarreko hondamendia argitzeko

2020-02-18
Protesta egiten ari ziren herritarren esanetan, Jaurlaritzak ez du "beharrezko kontrola" eraman. Iñigo Urkullu lehendakaria, Iñaki Arriola Ingurumen sailburua eta Eusko Jaurlaritzako beste hainbat arduradun Eusko Legebiltzarrean azalpenak ematera atera diren bitartean, herritar talde batek elkarretaratzea egin du eraikinaren parean, Zaldibar argitu orain! lemapean. Kezka agertu dute desagertuta dauden bi langileen eta amildutako zabortegian lanean ari direnen inguruan. Gehitu dute agintariak ematen ari diren erantzunekin, herritarrak ez direla fio.
Joseba Belaustegi, GuraSOS: “Badago inor Euskal Herrian benetan erantzun dezakeena zer erreko den Zubietan, ez badakigu zer lurperatu zen Zaldibarren?”

2020-02-17
Arazo beraren bi adierazpen dira Zaldibarren gertatutakoa eta Zubietako erraustegia Joseba Belaustegi, GuraSOSeko kidearen iritziz. Dioxina eta furano mailagatik futbol ligako partidak bertan behera utzi eta haurrei patiora irtetea debekatzen zaien egun hauetan, ziurtatu digu ez dela osasun arduradunak toxiko horiei buruz gezurretan dabiltzan lehen aldia. Salatu du euskal industriaren lehiakortasuna mantentzea dela Jaurlaritzaren lehentasuna, eta hori “ingurumenaren, osasunaren eta langileen ongizatearen kontura” egiten dela.
 
bannerra

bannerra