Skip to main content

Ekologia

Donostia Bizirik eta Erraustegiaren Aurkako Mugimenduak elkarretaratzea deitu dute maiatzaren 17rako

2019-05-02
Donostia Bizirik plataformak eta Erraustegiaren Aurkako Mugimenduak prentsaurrekoa eskaini dute Koldo Mitxelena kultur etxean. Bertan azaldu dute Donostia dela Gipuzkoan pertsonako zabor kopururik handiena sortzen duen hiria eta organiko gutxien birziklatzen duena. Maiatzaren 17an, Birziklatzearen Nazioarteko Egunean, elkarretaratzea deitu dute udalak gaikako bilketa sustatzeko neurriak har ditzala eskatzeko. Bide horretan, hainbat eskaera egin dizkiote udalari, eta esku-orriak banatuko dituzte auzoetan. Bi ekitaldi egingo dituzte herritarrak kontzientziatzeko eta Donostiako birziklatze-tasen berri eman eta horiek hobetzeko: maiatzaren 4an, eguerdiko 12:00etan, Groseko Katalunia plazan eta maiatzaren 11n Amara Zaharreko Easo plazan.
Hiri Baratzea: Letxugak, Lorenea eta lorontzien tamainen garrantzia

2019-04-26
Bidaurretako nekazariek letxugak nola erein eta jaso erakutsiko digute, Mikel Baztanek Lorenea eraikina aurkeztuko digu eta Iñigo Segurolak lorontzien tamainen inguruko gomendioak emanen dizkigu.
Zubietako TMB plantak lehen kamioia jaso du

2019-04-25
Zubietako Hondakinen tratamendu mekaniko- biologikoen pantak (TMB) lehen zabor kamioa jaso du. Hasierako asmoa zen TMB planta lanean jartzea ingurune berean eraikitzen ari diren beste azpiegiturekin batera: erraustegiarekin, biometanizatze plataformarekin eta errautsak ontzekoarekin, bereziki. Gipuzkoako Hondakinen Kontsortzioaren arabera, obraren %75a egina dago jada: nahi dute azpiegitura osoa udazkenerako bukatzea, eta ekainean probetan hastea. TMB planta lehenagotik arituko da lanean: aste honetan hasi , eta bi hilabeteko probaldia egingo dute. Azaldu dutenez, uztailaren 3an egongo da bete-betean.
Dagoeneko itzalita dago Muskizko udalerria kaltetu duen baso-sutea

2019-03-04
Larrialdietako Zerbitzuek jakinarazi dutenez, gaur goizeko 06:00etan, itzali gabeko albo bat bakarrik geratzen zen, mendietako eremuetako batean. Atzo, arratsaldeko 19:00etan sortu ziren su iturri desberdinak itzaltzeko, orotara, Larrialdietako Zerbitzuetako 20 kamioi aritu ziren eta horretaz gain, boluntarioak ere lanean aritu ziren. Hegoaldeko haizeak 80 kilometro orduko abiadura hartzen zuen eta horrek suhiltzaileen lana zaildu. Karraskal auzoan izan da suterik handiena, baina, jatorri desberdinak zituen suak. Gauean zehar hartu dute kontrolpean sua, nahiz eta A8 autobidea itxita egon den eta biztanleak bere etxeetatik atera behar izan diren. Borja Liaño Muskizko alkateak adierazi du, ez duela hipotesietan sartu nahi, baina inpresio pertsonala dela eragindako sutea izan dela, gune geografiko desberdinetan egon direlako su iturriak.
Bilbobusek bi autokar elektriko gehiago izango ditu

2019-02-22
Sei dira dagoeneko Bilbobusen flotak dituen autobus elektrikoak bi hauek gehituta eta horiekin batera, beste bi hibrido daude. Alfonso Gil mugikortasun zinegotziak hiritarren osasuna hartu du neurriaren helburu nagusitzat eta, aditzera eman duenez, hurrengo 10 urteetan 120 ibilgailu berriztatuko ditu Udalak.
Soldata arrakala "arazo politikotzat" jo du LAB sindikatuak

2019-02-21
AHTa zentzugabekeritzat jo dute, eta tren soziala aldarrikatu dute, eta AHTak "suntsipenaren eta xahubidearen" proiektua dela adierazi dute, besteak beste. Bestalde, azpimarratu dute soldata arrakala ez dela "kopuru bat akarrik, arazo politikoa" baizik. Arazoari irtenbidea emateko, egungo sistema kapitalista iraultzea ezinbestekotzat jo dute LAB sindikatuko kideek.
 
bannerra

bannerra