Skip to main content
bannerra

Enpresak

Nafarroako Gobernuak eta NUPek iruzur fiskala aztertzen duen ikerketa aurkeztu dute

2019-09-30
Nafarroako Gobernuak eta NUPek iruzur fiskala eta ezkutuko ekonomia aztertzen dituen ikerketa aurkeztu dute gaurkoan. Elma Saiz Ogasun kontseilariak eta Oscar Martinez de Bujanda Ogasun Zuzendariak nabarmendu dutenez, ikerketa honek urteroko zerga kontrola indartzeko ekarpenak egingo ditu, besteak beste, hartu beharreko neurrien inguruan.
Gaur hasi da Victor Bravo Gipuzkoako Ogasuneko zuzendari ohiaren aurkako epaiketa, Glass auzian

2019-09-17
2003 eta 2006 artean Ogasun publikoaren aurkako hiru delitu egin izana egozten dio Fiskaltzak. 6 urteko kartzela zigorra eskatzen dio eta 1,8 milioi eurotako isuna ordaintzea. Bere burua defendatzeko erabakia hartu du eta egozten zaizkion delituak ukatu ditu.
Iberdrolaren irabaziek herritarren miseria eragiten dutela salatu dute Bilbon

2019-03-29
'Euskal Herriak kapitalari planto' plataformak deituta, hainbat herritarrek elkarretaratzea egin dute Bilboko Euskalduna Jauregiaren aurrean, Iberdrolako akziodunen batzarra aitzaki hartuta. “Zuen aberastasuna gure miseria” lelopean, Iberdrolak espazio publikoak okupatzen dituela salatu du plataformak eta, bide batez, instituzioei egotzi diete "alfonbra gorria" jarri izana. Elektrizitatearen sektoreko monopolioa baliatuz, herritarren fakturarekin nahi dutena egiten dutela ere salatu dute.
Zegona Erresuma Batuko inbertsio funtsak Euskaltelen lehen akziodun bilakatzeko kapitala handituko du

2019-01-14
112 milioi eurorekin handituko du kapitala, eta gero, Euskaltelen akzioak erosiko ditu burtsan. Xedea da euskal konpainiaren beste %12,5 eta honela akzioen ia %30a eskuratzea. Modu horretan, Euskaltelen lehen akzioduna bilakatuko litzateke Zegona, Kutxabanken aurretik.
Van Oord armadoreak negoziaketak utzi ditu inbertitzaile baten zain

2018-11-09
Van Oord armadore holandarra Alexia ontzia La Navalen bukatzeko negozioaketak utzi ditu inbertitzaile baten zain. Langileek manifestazioa egin zuten Barakaldon inbertitzaile nagusi horiek Eusko Jaurlaritza eta Espainiako Gobernua izan daitezen. Ezkerraldeko enpregua babesteko erantzunkizuna bi gobernuen ardura dela adierazi zuten eta abenduaren 1an Bilbon beste manifestazio baterako deia luzatu zuten enpresa batzordeko kideek.
Desadostasunak La Naval-eko langileak eta Arantxa Tapiaren artean baina bi aldeek irtenbidea bilatzen segituko dutela azpimarratu dute

2018-10-31
Sestaoko La Naval ontziolako enpresa batzordeak Arantxa Tapia Eusko Jaurlaritzako Garapen Ekonomikorako sailburuarekin bildu da. Topaketak ez du adostasunik ekarri, baina epeak agortzen ari diren arren, bi aldeek soluzioak bilatu behar direla nabarmendu dute. Langileek, esku hartze zuzena eskatu diote Lakuari eta exekutiboak "inbertsore pribatuen beharra" azpimarratu du. Gobernuak, Madril, enpresa eta inbertsoreeekin negoziatzen jarraituko duela azaldu du eta beharginek, behin lan-erregulazio txostena indarrean dagoela, mobilizazio gehiago egingo dituzte. Euren artean, azaroaren 8an Barakaldon egitekoa duten manifestazioa.
 
bannerra

bannerra